Añu lluz

Un añu lluz ye la distancia que recuerre la lluz nun añu. Más específicamente, correspuéndese cola distancia que percorrería un fotón nel vacíu a una distancia infinita de cualquier campu gravitacional o magnéticu, nun añu Xulianu (365,25 díes de 86.400 segundos).

Equival aprosimadamente a 9,46 x 10¹⁵ m (poco menos de diez billones de quilómetros), yá que la velocidá de la lluz nel vacíu ye de 299.792.458 m/s.

N'Astrofísica'l pársec ye actualmente la unidá preferida pa grandes distancies.

Datos interesantes

• La lluz tarda 8,3 minutos en viaxar dende'l Sol hasta la Tierra.
• La distancia ente'l Sol y la estrella más prósima ye de 4,22 años lluz.
• La Vía Lláctea, galaxa a la que pertenez el Sistema Solar, tien 100.000 años lluz de diámetru.
• Según la Teoría de la Relatividá, nengún oxetu material (masa > 0) puede viaxar más rápido que la lluz.