Llinguaxe de programación

Captura del microordenador Commodore PET-32 amosando un programa nel llinguaxe de programación BASIC, baxu'l emulador VICE nuna distribución GNU/Linux. La primer llinia, titula (rem) al programa pa dexar el so atroxamientu, la segunda, solicita una cadena de datos (input) qu'una vegada llograos, va atroxar nuna instrucción que'l llinguaxe lleva incorporada, denomada variable alfanumérica (). La tercer llinia, establez una condición, (if) determina que si la cadena de testu atroxada nun ye igual (<>) al valor dáu, proceda (then) a executar la llinia anterior, volviendo asina a solicitar nuevos datos, pero en casu de ser igual, (=) siga executando la viniente llinia del programa. La cuarta llinia, imprenta'l mensaxe entecomináu na pantalla (print), pa terminar cola quinta llinia qu'afita'l so fin. (end)

Llibros de Llinguaxes de programación

Un llinguaxe de programación ye un llinguaxe pa da-y instrucciones a un ordenador. Un llinguaxe de programación ye formal dafechu, y descríbese con un conxuntu de regles sintáutiques y semántiques. Con ún d'estos llinguaxes el programador pue especificar de manera mui precisa los datos colos que va operar un ordenador, cómo los va guardar y tresmitir l' ordenador y qué tien que facer l' ordenador según les circunstancies.

L'actu de escribir programas d'ordenador conozse como programar.

El llinguaxe de programación espresa computaciones que pueden llevase a cau por máquines como les computadores. Pueden usase pa crear programes que remanen el comportamientu físicu y lóxicu d'una máquina, pa espresar algoritmos con precisión, o como mou de comunicación humana. Ta formáu d'un conxuntu de símbolos y regles sintáutiques y semántiques que definen la so cadarma y el significáu de los sos elementos y espresiones. Al procesu pol qu'escríbese, pruébase, depúrase, compílase y caltiénse el códigu fonte d'un programa informáticu, denómase-y programación. Tamién la pallabra programación defínese como'l procesu de creación d'un programa de computadora, per aciu de l'aplicación de procedimientos lóxicos, al traviés de los vinientes pasos:

• El desendolcamientu lóxicu del programa pa iguar un problema en particular.
• Escritura de la lóxica del programa emplegando un llinguax de programación específicu (codificación del programa)
• Ensamblaxe o escoyeta del programa hasta convertilu en llinguaxe de máquina.
• Prueba y depuración del programa.
• Desendolcamientu de la documentación.

Enllaces esternos

• Árbol cronolóxicu de los llinguaxes de programación (n'inglés)
• Llista de llinguaxes de programación (n'inglés)