Iván Ania

Iván Ania Cadavieco (Uviéu, Asturies, España, 24 d'ochobre de 1977) ye un futbolista español. Xuega d'interior izquierdu y so actual equipu ye'l Real Uviéu de la Segunda División B.

Trayeutoria

Debutó na Primera División col Real Uviéu el 11 de xunu de 1995 nel derbi asturianu, partíu que finó con victoria de l'equipu de la capital del Principau por un gol a cero.

N'ochobre de 2008 comprometiose col CD Cuadonga de la Tercera División asturiana. Debutó na séptima xornada de Lliga nel partíu que'l so equipo xugó a domiciliu escontra'l Cuideiru. La temporada 2008/2009, xugó un total de 26 partíos, llogrando un total de 6 goles y ayudando a que'l so equipu mantuviese la categoría.

Namás finar esa temporada volvió al «club de so vida», el Real Uviéu, de la Segunda División B.

Seleición nacional

Xugó en todes les categoríes inferiores de la seleición de fútbol d'España.

Foi campeón de Europa Sub-18 en 1995 y terceru nel Campeonatu d'Europa Sub-21 de 2000. Participó nel Mundial Sub-20 de 1997, disputau en Malasia.

Disputó tres partíos internacionales de caráuter amistosu cola seleición de fútbol d'Asturies.

Clubes

Club	País	Añu
Real Uviéu B	España	1994-1995
Real Uviéu	España	1994-2001
Club Deportivo Tenerife	España	2001-2003
Rayo Vallecano	España	2003-2004
Gimnàstic de Tarragona	España	2004-2005
Cádiz Club de Fútbol	España	2005-2006
Lorca Deportiva Club de Fútbol	España	2006-2007
Club Deportivu Cuadonga	España	2008- 2009
Real (Uviéu	España	2009 -

Enllaz esternu

• Páxina oficial d'Iván Ania