Diferencies ente revisiones de «Banda de gaites»
m robot Modificado: en:Pipes and drums |
m robot Modificado: en:Pipe band |
||
Llinia 16: | Llinia 16: | ||
[[Categoría:Música]] |
[[Categoría:Música]] |
||
[[en: |
[[en:Pipe band]] |
||
[[fr:Pipe-band]] |
[[fr:Pipe-band]] |
||
[[lb:Pipe Band]] |
[[lb:Pipe Band]] |
Revisión a fecha de 03:03 31 may 2006
Una banda de gaites o pipe band ye una formación músical de gaites y percusiones.
L'orixe d'estes formaciones ye bastante escuru, si bien se sabe que'l so orixe ye militar y ñaz n'Escocia (Reinu Uníu).
Ganaría puxu na década de los años 1840, gracies al entusiasmu de la reina Vitoria pola gaita escocesa de tipu highland, qu'entamó a ser mui usada pol Exércitu Británicu.
Depués de la Segunda Guerra Mundial, esti tipu de formaciones espardióse hasta la Bretaña francesa, onde añadieron la bombarda (instrumento tradicional bretón) a les gaites y caxes escoceses. Este tipu de formaciones nómase Bagad, qu'en realidá ye l'abreviatura de bagad ar sonerion (grupu de músicos en bretón).
A mediaos de los años 1980 apaecen les primeres bandes de gaites nel norte d'España, concretamente en Galicia y Asturies, onde la so popularidá foi aumentando progresivamente. Güei, n'Asturies, el númberu de formaciones d'esti tipu ronda la cincuentena, en Galicia la treintena, en Llión hai ocho bandes y trés en Cantabria. Amás, en dellos centros asturianos y gallegos espardíos per tol planeta cunten con formaciones d'esti tipu.