Diferencies ente revisiones de «La Ribera»

De Wikipedia
Contenido eliminado Contenido añadido
TXiKiBoT (alderique | contribuciones)
m [r2.6.5] robot Añadido: uk:Рібера-де-Арріба
Llinia 160: Llinia 160:
[[ru:Рибера-де-Арриба]]
[[ru:Рибера-де-Арриба]]
[[tr:Ribera de Arriba]]
[[tr:Ribera de Arriba]]
[[uk:Рібера-де-Арріба]]
[[vi:Ribera de Arriba]]
[[vi:Ribera de Arriba]]
[[war:Ribera de Arriba]]
[[war:Ribera de Arriba]]

Revisión a fecha de 10:03 27 pay 2010

Plantía:Conceyu

La Ribera ye un conceyu d'Asturies. Ta asitiáu na zona central d'Asturies, y llenda'l norte y l'esti col conceyu d'Uviéu, al sur colos de Mieres y Morcín y al oeste col de Santo Adriano.

Hestoria

Casa Conceyu de La Ribera

Por mor de la fertilidá y les condiciones d'habitabilidá que presentaben les tierres del conceyu, nun ye d'estrañar que dende tiempos prehistóricos el conceyu tuviere permanentemente pobláu. D'esta miente foron afayaos varios esquicios hestóricos del paleolíticu como los atopaos a la vera de Sardín, o los xacimientos de les cueves del Requexu en Ferreros onde s'afayaron materiales de la dómina magdaleniense, o los de la cueva d'Entrecueves, onde apaecieron signos de pintures asemeyaes a otros como los de Buxu.

Afayáronse tamién esquicios d'allugamientos castrenses, anque nun se pudo precisar a que dómina correspuenden al nun ser escavaos fasta l'intre. Estos castros foron llocalizaos en La Corona, cerca de Picu Llanza, en El Picu Castiello, en El Picu Les Pedreres, y en El Cueto cerca de Sardín.

Les primeres noticies documentaes del conceyu apaecen nel añu 857, cuando Ordoño I cede al obispáu d'Uviéu'l templu de San Pedro de Ferreros asina como terrenos de Palombar, Perera y Vegalencia. Donaciones feches darréu otorguen-y cásique dafechamente tol territoriu al poder eclesiásticu. Dientro de les donaciones feches rescampla la de la reina Urraca en 1112 como estima pola aida emprestada pol Obispu Pelayo na so llucha escontra'l so home Alfonso'l Batallador. La dote algamaba un estensu territoriu qu'aportaba fasta un lugar llamáu Sopeña cerca de Caces. Esti dote foi la base que tomó la ilesia pa la so potestá sobre'l conceyu fasta'l sieglu XVI, en que perdió esos drechos. Los terrenos de La Ribera siempre foron pervaloraos poles instituciones y la nobleza d'Uviéu.

El poder de la mitra foi abusivu demientres tiempu abondu, faciendo cobrar en 1214, baxo orde del obispu Xuan un impuestu pol abuse y esfrute de la tierra de Teyego. Demientres la dependencia del Obispáu, ésti treslladaba'l poder de la zona a varios nobles y tenentes que tenían el poder alministrativu del conceyu. Ún de los más destacaos foi Gutierre González de Quirós.

Yá en 1537, Uviéu unvió un riestru de diputaos pa la reconocencia del territoriu de la Ribera col envís de merca-y lo a la mitra p'anexonalu al so territoriu. Esta operación nun cuayó nunca, siendo yá en 1579, gracies a la desamortización fecha pol rei Felipe II cuando la xente de la Ribera mercó tolos terrenos del conceyu, formando ún independiente.

El conceyu quedó encadarmáu en cuatro zones o xebres de gran importancia a la hora d'elixir los cargos municipales. Estes xebres yeren les que vienen darréu: Palombar; Güeñu y Ferreros; Soto; Y a lo cabero, Teyego, Fresnéu y Sardín. Cada 1 de marzu, aconceyaben en La Barquera a orielles del Nalón y procedíen a la eleición de los cargos. Los xueces yeren escoyíos por una sola división que correspondía por turnu, direutamente y cola mayoría de votos.

El sieglu XIX traxo con él la construcción de la primer ponte de piedra sobre'l ríu Caudal, meyorando les comunicaciones ente les orielles del ríu, efectuaes fasta esi momentu en barca. La guerra d'Independencia escontra la invasión francesa tien como fechu más destacáu'l llevantamientu popular escontra les tropes invasores, provocando una marcha en manifestación fasta Uviéu pa pidir a l'audiencia l'apoyu de la insurrección. Nes guerres Carlistes, el conceyu foi testigu en 1836 de la derrota de les partíes gubernamentales comandaes pol xeneral Pardiñes, a manes del batayón de Gómez, baxo órdenes del Brigadier Bóveda.

Yá nel sieglu XX, el primer asocedíu importante foi la Guerra Civil, quedando la Ribera nel bandu republicanu, fasta la derrota d'esti en 1937. Pasada la difícil posguerra, el conceyu foi adulces iguándose de tanta contienda y adautándose a la modernidá.

Parroquies

Demografía

Economía

Emplegaos nos diversos sectores económicos (añu 2006)
Númberu de trabayadores Tantu por cientu
TOTAL 641 100
Agricultura, ganadería y pesca 18 2,81
Industria 366 57,10
Construcción 45 7,02
Servicios 212 33,07
* Datos tomaos del Anuariu Estadísticu d'Asturies 2006, SADEI


Usos del suelu del conceyu (añu 2006)
Usu Superficie (km²)
Tierres de llabrantíu 0,23
Praderíes 7,73
Terrenu forestal 6,44
Otros usos (industrial, residencial, tierra ermo...) 7,58
* Datos tomaos del Anuariu Estadísticu d'Asturies 2006, SADEI


Característiques del sector primariu (añu 2007)
Ganaderíes de bovín 55
Cabeces de ganáu bovín 471
Cabeces de ganáu ovín 295
Cabeces de ganáu cabrín 47
Ganaderos con cuota llechera 1
Quilos de cuota llechera 50.067
Metros cúbicos de madera valtao 349
* Datos tomaos del Anuariu Estadísticu d'Asturies 2007, SADEI

Enllaces esternos