Luc Montagnier

Luc Montagnier (París, 1 d'agostu de 1932) ye un virólogu Francés. Foi profesor nel Institut Pasteur y director d'investigación nel Centre national de la recherche scientifique. Algamó sonadía por llegar a ser el director del llaboratoriu que descubrió en 1983 el VIH, elvirus responsable del SIDA. Col so colega italianu Vittorio Colizzi, Luc Montagnier participa en varies conferencies, especialmente n'África, pa lluchar contra la propagación del VIH. Luc Montagnier entamó los sos estudios de Medicina y Ciencies primeramente en Poitiers, y depués en París y a los 23 años yera Asistente na Facultá de Ciencies de París.

Luc Montagnier foi'l primer Xefe del nuevu departamente « Sida y Retrovirus » del Institutu Pasteur de París que dirixó ente 1991 y 1997.

Virus HIV en corte

Luc ye miembru de la Fundación Mundial pa la Investigación y Prevención del SIDA. Los sos descubrimientos ficiéronlu acreedor a algamar una veintena de premios internacionales en medicina, ente ellos el Premiu Príncipe d'Asturies d'Investigación Científica y Téunica.

El 6 d'ochobre de 2008 algama'l Premiu Nobel de Medicina xunto con Françoise Barré-Sinoussi y Harald zur Hausen.