Diferencies ente revisiones de «Estorga»
m robot Añadido: war:Astorga, Espanya |
m robot Modificado: nl:Astorga (Spanje) |
||
| Llinia 72: | Llinia 72: | ||
[[ja:アストルガ]] |
[[ja:アストルガ]] |
||
[[la:Asturica Augusta]] |
[[la:Asturica Augusta]] |
||
[[nl:Astorga]] |
[[nl:Astorga (Spanje)]] |
||
[[pl:Astorga]] |
[[pl:Astorga]] |
||
[[pt:Astorga (Espanha)]] |
[[pt:Astorga (Espanha)]] |
||
Revisión a fecha de 21:31 20 set 2010
| Astorga | |||
|---|---|---|---|
| |||
| Comarca | Maragatos | ||
| Provincia | Llión | ||
| Superficie | 46,78 km² | ||
| Población | 12.275 hab (2005) | ||
| Densidá | 262,39 hab./km² | ||
| Ríu | Jerga | ||
| Xentiliciu | astorganu o asturicense | ||
| Apartáu Postal | 24700 | ||
| Poblaciones |
| ||
Astorga ye una ciudá y conceyu, allugada nel centru de la provincia de Llión. Ye xunto a Llión una de les dos ciudaes más antigües del Reinu, non pola so fundación sinón pola so categoría ciudadana. Ye tiesta del Partíu Xudicial, y ta considerada davezu capital de Maragatos, masque tradicionalmente nun formara parte de la comarca, anguaño ta reconocida como tala polos sos habitantes.
Hestoria
Astorga tien un orixe escuru, escomienza nos escritos cola fundación de la ciudá polos romanos, que la fixeron capital conventu Asturicense, yera la capital alministrativa de les poblaciones astures na ocupación romana. De fechu'l so nome remanez d'"Asturica Augusta".
Yera la encargada, xunto a Llión de vixilar los tresportes del preciáu oru de la rexón pa Roma; esti oru fixo que l'Imperiu pudiera caltenese nos sieglos posteriores.
La so importancia continúa na Edá Media como centru cimeru del Reinu de Llión y nun escomienza a escurecese hasta la Edá Moderna, como asocedería con tola rexón. Si qu'asina guarda un datu hestóricu importante como ciudá nomada nel Arcu del Trunfu de París pola fiera resistencia que los llioneses amosaron na Guerra d'Independencia.
Arte
Ye tamién obispáu -ún de los más antiguos d'España- y ún de los centros monumentales del oeste hispánicu, destaquen les sos ruines romanes, la catedral gótica y el Palaciu Episcopal obra del arquiteutu catalán Antoni Gaudí. Asina mesmo, ye conocida por ser el primer llugar del Vieyu continente onde s'introduxo y fabricó'l chicolate viniente de les Amériques, poro, tien el primer muséu del chicolate d'Europa.
Economía
Como tola rexón, vivió nos 80 y 90 un fuerte procesu de perda económica y demográfica que paez frenase por mor de la esplotación turística, deviniendo'l principal centru receutor de Turismu del noroeste en cuantes a la so población. Poro, dedicó'l conceyu esfuercios pa dotar a la ciudá d'infraestructures y de medios pa caltener el Patrimoniu, artísticu y cultural. Asina preserva los restos per aciu d'un alcuerdu exemplar, y importáu, ente les alministraciones públiques y les empreses constructores.
Amás la so importancia xorrez dientro de la Rexón, asina ye la ciudá de referencia pa les comarques del centru-sur (compartíu con La Bañeza), como La Cepeda o La Cabreira.
Cultura
Astorga ye un centru de lliteratos dende Xuan Lloriezu Segura autor del Llibru d'Alixandre hasta los escritores del sieglu XX Leopoldo Panero o Eugenio de Nora ente otros. Amás ye un conceyu arguyosu de la so cultura y ún de los primeros en promover el recobramientu y l'enseñu de la llingua asturlleonesa ente los sos vecinos.