Diferencies ente revisiones de «Xardín zen»

De Wikipedia
Contenido eliminado Contenido añadido
Sin resumen de edición
m robot Añadido: fr:Jardin zen
Llinia 50: Llinia 50:
[[es:Karesansui]]
[[es:Karesansui]]
[[fi:Zen-puutarha]]
[[fi:Zen-puutarha]]
[[fr:Jardin zen]]
[[he:גן זן]]
[[he:גן זן]]
[[it:Giardino zen]]
[[it:Giardino zen]]

Revisión a fecha de 19:00 21 may 2006

Karesansui del templo Ryoan-ji.

El karesansui ou xardín Zen ye un estilu de xardín roca xaponés que consiste nun campu de sable poucu fondu y que contién sable, grava, rocas y davezu herba y outros elementos naturales; empléganse comu xeitu de meditación polos monxes Zen xaponeses.

El Karensaui del Templu de Ryoan-ji

El xardín Zen más famosu atópase nu templu de Ryoan-ji, que s'alluga pal noroeste de Kiotu. El xardín de roca añidíuse al templu pa finales del sieglu XV, col envís de proveer d'un llugar a los monxes pala súa meditación. Dizse qu'esti xardín tién un efeutu tranquilizadore.

Diseñu

Hai muitas interpretaciones pa esplicare la composición d'un xardín Zen. Dalgunas d'estas interpretaciones son:

  • La grava representa l'océanu y las rocas representan las isllas de Xapón.
  • Las rocas representan a la tigresa colos sous cachorros, nalando pa un dragón.
  • Las rocas forman parte del kanji, de significáu ye "corazón" ou "mente".

Una explicación reciente pa los investigadores Gert van Tonder de la Universidá de Kiotu y Michael J. Lyons del Llaboratoiru d'Intelixencia Robótica y Comunicaciones ATR diz que las rocas forman un mensaxe subliminal d'un árbore. Esta imaxen nun puede ser percibida conscientemente cuandu se la mira; si qu'asina, los investigadores camientan que'l subsconciente ye pa percibire la sutil asociación nas piedras y creyen que ye'l responsable del efeutu tranquilizadore d'esti tipu de xardines.

Adaptación al diseñu del entornu

El conceutu de diseñu del haresansui adautouse a la creyación d'un entornu más natural, com por exemplu, un pequeñu xardín Zen que forma parte del Xardín de Té xaponés del Parque Golden Gate de San Francisco.

Criticas

El conceutu de xardín Zen ta consideráu un mitu por muitos xardineiros xaponeses y por espertos budistas, asina comu outros. Camientan que ye una creyación occidental de finales del sieglu Venti que nun tien ná que ver cola xardinería xaponesa. El «karesansui» ou «xardín ensechu» nun ye, de nengún xeitu, estéticamente estremáu de los xardines que s'atopan al lláu de los templos Zen. Los xardines ensechos pueden atopase fuera de casas, restaurantes y pousadas.

De la mesma forma, los xardines averaos pa los templos Zen apaecen en deillos estilos, y los xardines ensechos ye ún d'esos tipos.

El términu «xardín Zen» apaez nun llibru chamáu «One Hundred Kyoto Gardens» espublizáu en 1935, escritu n'inglés por Loraine Kuck. El primer emplegu nel idioma xaponés d'esti términu, nun apaciéu espublizáu sinon ta 1958. D'estu puede deducise que dalgunos estudiantes xaponeses de la postguerra, cenciellamente siguiorun un exemplu occidental, aludiendo al lluxosu conceutu de «xardín Zen» porque los estranxeiros yá fomentaran y celebraran el sou usu.

El llibru Wybe Kuiterts, "Themes, Scenes & Taste in the History of Japanese Garden Art", asoleyáu en 1988 propón un argumentu en contra de la correllación ente Zen y karesansui: «Kuck entemeza la súa interpretación hestóricamente determinada (sieglu XX) cola d'un vieyu xardín proveniente d'un contestu cultural davezu estremáu. Estu fai la súa interpretación inválida (el xardín medieval), atopóu'l sou llugar nos templos Zen y nos llares de guerreros porque ameyoraba'l sou entornu cultural. Ye de cuestionase que na súa apreciación yera una emoción relixosa, anantias qu'una apreciación pol xeitu.»

Kuiterts tamién define correutamente un xardín Zen dende una perspeutiva budista: «(d'alcuerdu a Dogen) el meyor xardín pa representare la Doutrina de Buda seiría la nada. A lu menos, nun seiría un xardín estéticamente agradable qu’acabaría por distrayere la busca verdadera de la Illuminación». Kuiterts espón más críticas al vertere los comentarios d'un monxe, na eira de Muromachi, en Toh-ji: «La xente que prautica Zen, nun debería construyire xardines. Na sutra diz que Bodhisattva Makatsu, quien deseyaba meditare, primeiru debalóu la mundana vida de facere negocios y xenerare riquezas, asina comu debalóu la xera de collechare vexetales…»

La creyencia de que los monxes Zen emplegaban los xardines pa meditare ye contradictoriu al feitu de que los monxes Zen, en Xapón, casique siempres meditan n'interiores, mirando pa una muria (Soto Zen) ou pal centru del cuartu (Rinzai Zen), enxamás mirando pa esteriores. Las fotos de monxes xaponeses cavilgando en xardines ensechos son eventos preparaos.

Alvertencia al Llector

Los comentarios críticos enriba ditos asumen una interpretación enforma literal d'un xardín Zen. El términu refierse al feitu de qu'esti estilu de xardín desendolcóuse nos templos del Rinzai Zen con dalgunos de los diseñadores con mayore impautu hestóricu, comu Muso Soseki y Soami, quien yeran monxes ou quien prauticaban el Zen. Amás, l'estilu de los xardines Zen tradicionales, desendolcóuse nuna dómina de la hestoria xaponesa onde las práuticas culturales asociábanse col Budismu Zen y ca vegada esta práutica relixosa influyía más na arte, por exemplu na caligrafía y na pintura de paisaxes. Esta influyencia xorreciéu enormemente na cultura xaponesa y ye poru qu'esti estilu de xardinería, la cuala sí orixinóuse nos templos Zen, puede atopase en casa, negocios y restaurantes.

Hai una bayura d'opiniones nel valire d'estos xardines con respeutu a la práutica budista, si qu'asina ye incorreutu negare que'l sou desendolcu está cercanamente asociáu a los templos del Rinzai Sin, particularmente a los grandes complexos relixosos de Kiotu.

Ver tamién

Ver Ryōan-ji pa un análisis matemáticu de un xardín de roca.