Wikipedia:Chigre/Archivu/2015

Chigre
Esta ye una páxina pa esclariar duldes y facer propuestes sobro la Wikipedia. P'aldericar sobro un artículu, usa la so páxina d'alderique. Pa vieyos alderiques, echa un güeyu al archivu del chigre. Pa les duldes gramaticales y léxiques, empobina a la páxina d'ortografía. Pa entamar una conversación nueva, calca equí. Pa contesta-y a daquién nun tema yá abiertu dá-y onde trae editar nel tema que seya.
¡Y nun escaezas firmar!

Propuesta de comunicáu de prensa

Como ya-y lu comentare a Rsg, camiento que nun sería mala idea preparar un comunicáu de prensa pa en cuantes algamemos los cinco mil artículos. Ye una bona cifra y podría ser una oportunidá p'axuntar a más xente nel proyeutu. Esto ye una propuesta, a ampliar, correxir o lo que queráis. (Tamién hai de facer una versión en castellanu, por supuesto).

Uiquipedia, la Wikipedia n’asturianu, o llionés, ta acabante algamar los cinco mil artículos, cifra asemeyada a la de les ediciones de Wikipedia en delles llingües minoritaries d’Europa. Anguaño, Uiquipedia (http://ast.wikipedia.org) cunta con más de 200 ‘wikipedistes’ qu’escribieren, iguaren y desendolquaren los más de 5.000 artículos de la enciclopedia llibre na so edición n’asturianu. D'ellos, una ventena collaboren d'un mou regular nel desenvolvimientu de la uiquipedia y la so cadarma temática. La cifra de ‘wikipedistes’ foi medrando enforma dende qu’el 2 d’agostu de 2004 entamara la Uiquipedia, col so primer artículu sobro’l Zazaki (llingua de la etnia Zaza, de Turquía). Dende entós, desendolcose un trabayu valoratible, pero qu’entá nun dexó de ser un proyeutu. El volume d’artículos y la calidá de bien d’ellos nun permiten inda considerar la Wikipedia n’asturianu como ferramienta de consulta básica, pero sí como un proyeutu que ya entamó a cuayar y que tien de medrar cola incorporación de nuevos ‘wikipedistes’. Cualquiera pué colaborar con Wikipedia: creando nuevos artículos n’aquellos temes del so interés, iguando los que ya esisten, o trabayando na xera d'estructurar los conteníos de la enciclopedia llibre. La Wikipedia forma parte d'un enfotu mundial por desenvolver una enciclopedia d'usu xeneral, de distribución llibre (güeyar www.wikipedia.org) y de calidá, al traviés d'una rede de llibre participación de voluntarios por tol mundu. Les condiciones d'usu del conteníu de la Wikipedia tan baxo los términos de llicencia GFDL. Eso significa que cualquiera ye llibre d'utilizar los artículos, copialos, igualos y distribuílos, cumpliendo namás que dos requisitos: mencionar l'orixe de la información, y que les condiciones d'usu del nuevu trabayu sean de la misma llicencia GFDL, o compatible. El proyeutu Wikipedia ye dafechu internacional y multillingüe: hai más de 200 ediciones en llingües estremaes, que funcionen de manera autónoma y, globalmente, contienen alrodiu de 2'5 millones de artículos.

Ta lluéu. Jesusito 15:42, 11 febreru 2006 (UTC)

Acabo de lleelu por enriba y paezme bien. Eso sí, yo camudaría lo de 200 wikipedistes. Ser, somos 200 rexistraos agora mesmu, pero xente que colabrore hai muchísimos menos. Si dicimos que somos 200 podemos dar una idea equivocada de la realidá. En [1] puen vese unes estadístiques bastante clares. Nun lleguen a les dos docenes los wikipedistes activos. Y eso qu'algunos son bots. Polo demás perfecto. --rsg (mensaxes) 15:27, 12 febreru 2006 (UTC)

A mín préstame, y amás creyo que ye xustu dicire los 200 rexistraos porque estu ye de la totalidá de los que participan y ye un produtu de toos los que dalguna vegada escribiorun ou apurriorun daqué. Nun vos paez? Saludos --Henrique (Alderique) 21:13, 12 febreru 2006 (UTC)

Home val que hai que dar reconocencia a tolos que aportaren algo, pero tamién ye verdá que pa alguien que nun sabe de que va el tema puede tener problemes en entender que con 200 wikipedistes heba namás 5000 artículos, si que taría bien distinguir entre wikipedistes rexistraos y activos...--Mikel 23:52, 12 febreru 2006 (UTC)

Correición pedante: ¿onde diz Dellos, una ventena collaboren... nun había poner d'ellos?

Correxíu. ;) 81.37.168.62 09:15, 14 marzu 2006 (UTC)

Portada

Vamos acabar el mes y tenemos que camudar l'artículu de portada, así que nun se vos olvide votar. Como siempre, en Uiquipedia:Artículos destacaos. Cuanta más xente participe más xustu ye'l procesu. --rsg (mensaxes) 11:51, 25 febreru 2006 (UTC)

Corréu

Hay una nueva opción en las preferencies. Si quiés dexar a los otros usuarios mandate correos, tiens que confirmar que yés tu, te envian un corréu para esu. En las cuentas que ya estaben, hay que facerlo a mano, en las preferencies. Los administradores: hay que traducir MediaWiki:Confirmemail body, así como les otres confirmemail_*. Hay también unes cuantes mensaxes que tan en inglés. Platonides 12:10, 4 marzu 2006 (UTC)

Usu de los grafemes asturianos

Nun sé si sabéis que Wikipedia almite les nueses lletres cuasi esclusives: Ḷḷ, ḷḷ, Ḥ, ḥ. Yo suxero (esto de "suxero" suéname permal) que cuando faiga falta toos usemos estes grafíes tal como son, yá que tenemos la oportunidá. Yo yá les punxi nel artículu Asturianu. --Hugo López 02:12, 5 marzu 2006 (UTC)

Pos yo veo el puntín al llau y non debaxu, amás ya ta xeneralizáu un únicu puntu entres les dos l pa la "che vaqueira", nun vamos cambialo nosotros... --Mikel 03:02, 5 marzu 2006 (UTC)

¿Xeneralizao? Simplemente úsase eso porque nes más de les fontes nun salen eses grafíes, pero l'Academia defiende claramente'l emplegu de Ḷḷ, ḷḷ, Ḥ y ḥ siempres que se puea. Y equí tenemos la suerte de que pueden ponese (polo menos salen nel mio ordeñador). --Hugo López 03:27, 5 marzu 2006 (UTC)

Home, la verdá ye que ye la forma correcta, pero tamién ye más compliáu d'escribiles. L'apañu de l.l y h. ye bien simple y fácil d'entender. Les otres formes tienen una desventaxa mui grande, y ye que si son enllaces nun se ven los puntos. Voi meter estos caracteres nel cuadru de caracteres especiales que sal al editar, al menos pa tenelos a mano. Habría que discutir bien esto y llegar a un alcuerdu pa facer un manual d'estilu y nun tener mil formes a la vez. --rsg (mensaxes) 16:28, 5 marzu 2006 (UTC)

Nun falo de la forma correcta, que toos sabemos que ye con los dos puntinos debaxu, sinon de lo xeneralizao cuando escribes con un ordenador o máquina d'escribir, y ya que faes referencia a l'Academia... visita su web y busca nesa páxina como ta escrito L.lena...--Mikel 07:42, 6 marzu 2006 (UTC)

Qué coima más dará que tea aceptáu o non. SI se pué usar, se usa, y al que nun-y pete que nun lu faiga. ¿Ye correutu?, pues ya ta. Ye una posibilidá que hai y préstame que la haiga. Yo voi tratar de usala. Jesusito 10:43, 6 marzu 2006 (UTC)

Una cosa cola qu'hai que tener cuidáu ye facer redirects dende toes les posibilidaes: "Ḷḷena", "L.lena" y "Llena", por seguir l'exemplu. --rsg (mensaxes) 14:12, 6 marzu 2006 (UTC)

Gracies pol sofitu y les alvertencies. Una cosa que taría perbien sedría añedir Ḷḷ-ḷḷ-Ḥ-ḥ a la barrina de "Caracteres especiales" qu'apaez abaxo cuando remanes un artículu. Sedría muuuuuui útil... ¿pue facese? --Hugo López 14:53, 6 marzu 2006 (UTC)

Fechu. --rsg (mensaxes) 15:09, 6 marzu 2006 (UTC)

¡¡Gracies fonderes!! --Hugo López 19:43, 6 marzu 2006 (UTC)

Crear artículos nuevos

Acabo de llegar a la Uiquipedia, y quisiera que daquién me dixera como s´amiesten artículos nuevos. Creo que sedría perimportante incluyir artículos téunicos (turbina, ciclo combináu, etc), col maxín de mostrar que la nuesa llingua puede valer perfeutamente como llengua de comunicación xeneralista. Un saludo, --Xareu bs

Lo más fácil, pa mín, ye calcar nun enllaz que tea en roxu y dir a esa páxina. Entós, na barra de la dirición web, onde ta el títulu del nuevu artículu cámbiolu pol que quiero facer y doi al enter. Sé que na es.wikipedia hai un mou direutu, que ye buscar un artículu y, si nun lu atopes, hai un enllaz nel que vas direutamente a facelu. Equí nun sé por qué nun sale esa opción. Ye una pena. Ah, y ties tola razón colo de los artículos técnicos. Ánimo. Jesusito 10:41, 6 marzu 2006 (UTC)

Nun sabía que tenieis problemes pa esto, fice unos cambeos pa que dende les búsquedes se puea facer un artículu. ¿Yera eso lo que dicías Jesusito?. Per otra parte, yo lo que faigo ye, dende cualquier artículu, quito-y'l nome y pongo'l que quiero facer y ya ta. Por exemplu, entro en http://ast.wikipedia.org/wiki/Portada, quito lo de Portada y pongo Shakespeare, colo que me queda http://ast.wikipedia.org/wiki/Shakespeare y ya ta. --rsg (mensaxes) 14:36, 6 marzu 2006 (UTC)

Sí, yera eso. Munches gracies. Tamién paez más fácil esta última manera. Jesusito 16:37, 6 marzu 2006 (UTC)

A ver que vos parez esto que fice: Usuariu:Rsg/Prebes. Si vos gusta podíemos ponelu na portada (col problema de que pa los vándalos sería fácil entamar artículos, pero tampoco ye que nos den mucho trabayu) o nel portal de la comunidá, que lo tenemos mui desaprovecháu. --rsg (mensaxes) 16:03, 22 marzu 2006 (UTC)

Categorizando Protocolos de redes y/o internet

Tengo una dubia a la hora de categorizar los protocolos de redes, de manu meti Corréu lletrónicu en Categoría:Protocolos d'Internet en seguida dime cuenta y metilo en Categoría:Protocolos de redes ya que nun ye esclusivu d'internet, pero nun se si metelu tamién en Categoría:Protocolos d'Internet como fice y colocar esta en Categoría:Internet ya que hai protocolos de rede que nun se usen n'internet (o nun son populares)... bueno ¿qué opinais?, si alguien entendie lo que digo (porque yo agora mesmu nun se nin lo que acabo dicir)--Mikel 13:41, 8 marzu 2006 (UTC)

Creo que más o menos te entiendo. Yo dexaría na más la categoría de Protocolos de red, porque tolos protocolos d'internet van tar ehí. Vamos, que nun me parez necesaria facer la diferencia. Ya la borré porque diba por orden y nun había mirao esto tovía, pero si pensáis que ye meyor la otra forma la restauro n'un segundín. --rsg (mensaxes) 16:03, 8 marzu 2006 (UTC)

Banner promocional de la Uiquipedia

Fice un banner pa promocinar dende les páxines web que tengo la Uiquipeida, pongolo aquí por si alguien más quier usalo

Otra cosina, ¿podría quitase discusiones vieyes o dividir el chigre? (la web ye mui pesada y dende'l mi equipu cuesta editala)--Mikel 16:58, 12 marzu 2006 (UTC)

Ya fice un poco de limpieza. Una cosa, nun fae falta editar toda la páxina pa entamar un nuevu tema, arriba na introducción puse un enllaz pa que abra un nuevu tema directamente.

Por otra parte, el banner ta mui guapu, tas fecho too un artista xD. Taría bien tener unos cuantos y metelos toos nuna páxina pa tener a mano coses pa facer publicidá de la Uiquipedia, que cuanta más xente seamos meyor.

Hai de preparar el tema de la publicidá. L'otru día mencionaron n'asturnews la uiquipedia y camiento que eso tuvo que ver daqué en que enrexistrárense unos cuantos. Lo de los 5.000 artículos va ser una oportunidá perbona. Sí qu'habría de currase unos banners y botoninos uiquipedia pa eso de la difusión, a ver si muévese esto a poquiñín y a pocu.Jesusito 01:35, 13 marzu 2006 (UTC)

Ya cuntaba con facer más al estilu d'este, tamién sería guapu tener botoninos más pequeños, a partir del 21 pondreme a ello.

VI Xornaes del Software Llibre d'Asturies

Como yá puse na portada, del 13 al 15 de marzu van celebrase les VI Xornaes del Software Llibre nel auditoriu Príncipe Felipe d'Uviéu. Hai delles conferencies mui guapes, pero quiero destacar especialmente dos: El llunes a les 18:00 la de Traducción de software libre del compañeru Mikel y la del miércoles a les 16:30 Wikipedia, la enciclopedia libre del menda xD. Si vais a alguna d'elles nun tengáis mieu en presentavos, que (al menos a mi) prestaríame conocevos. --rsg (mensaxes) 01:23, 13 marzu 2006 (UTC)

Yo ya taba al tanto dambes, pero, rediosla, nun voi poder dir a nenguna. Sabelo Mikel, trabayo poles tardes y bien que prestaríame dir, a escuchavos y a saludanos. Pero, en fin. Más vegades habrá. Jesusito 01:31, 13 marzu 2006 (UTC)

Lo mesmu digo, prestariame conocevos. El miércoles, de momentu, nun voy poder pasame (trabayu tool día) :-(--Mikel 07:52, 13 marzu 2006 (UTC)

Vaya, xusto enteréme agora, asina que ya perdí la del collaciu Mikel. Pero'l miércoles ellí voi tar ensin falta. --Hugo López 18:35, 13 marzu 2006 (UTC)

Meca, pero había que inscribise o nun sé qué rollu pa poder dir... :S --Hugo López 14:20, 15 marzu 2006 (UTC)

Al final vais xuntaros unos cuantos. Siento muncho nun poder dir, prestaríame nun sabeis cuánto. Ya cuntaréis. Rsg, pa los que nun fueramos podíes dexanos la ponencia eh, ho? ;) Digolo en serio. Un abrazu.82.223.41.3 15:01, 15 marzu 2006 (UTC)

L'accesu a les xornaes, que yo sepa, yera llibre, pero podies inscribite pa optar a premios y coses así. Yo anque tuve na ponencia de Rsg la verdá ye que prestariame tener la ponencia, van colgar toes na web de les xornaes... http://softwarelibreasturias.org--Mikel 22:49, 15 marzu 2006 (UTC)

Sí, van xubir toes les ponencies a la so web. De toes maneres, na wiki n'español voi facer una páxina con tol material qu'emplegué, enllaces a les páxines onde busqué datos, etc. pa que si alguien tien que facer algo así nun parta de cero. --rsg (mensaxes) 15:34, 16 marzu 2006 (UTC)

Propuesta de llimpieza d'estilu

Camiento qu'un de los problemes pa que nun cuaye la Uiqui como debiera ye la bayura d'errores ortográficos, gramaticales y ortográficos que cometemos. Creo qu'ello pue char p'atrás a bien de xente. Pa min, la Uiqui ye entá un mou de prauticar l'asturianu que namás deprendí falándolu. Nunca nun tuve clas d'asturianu nel colexu, como la mayoría, asina que l'unicu mou de deprender la llingua 'culta' foi lleendo y trabayando coles normes, gramática y diccionariu de l'Academia. (Por dello motivos, nun pude facer nin un triste cursín, entamé uno y tuve que lu dexar por problemes de trabayu, pero esi ye otro tema). El casu ye que pienso que debíemos curiar enforma l'estilu de la Uiqui. Nun creo que faigamos un bon favor al proyeutu si equí tiramos pol "na mio casa fálase asina". Nun sé si taréis acordies colo que toi diciendo, pero camiento que debíemos afitar les normes de l'Academia como la base estilística de la Uiqui. Nun digo que nun se caltengan les especificidaes de cada dialeutu o del llionés: les normes de l'Academia son dafechu bien flexibles nesi sen. Per embargu, peme muncho más difícil da-y espaciu equí al mirandés. Pero esi ye tamién otro tema.

Nun sé si a mou de wikiproyeutu, debíemos enfotanos unos cuantos na igua ortográfica y gramatical de la Uiqui. Reconozo que nun soi yo quien a entamala (teo más faltes qu'un guah.e de Primaria), pero debíemos facer l'esfuerciu.

Como exemplu d'errores atopaos, voi dexar un llistáu y propuestes d'igua:

Discusión-Discutiniu/alderique (términos encamentaos pola academia)

Editar-Iguar (editar, según el DALLA, ye espublizar)

Páxina aleatoria ¿Páxina al debalu? (aleatoriu nun ta incluyíu nel dalla nin nengún de los diccionarios que teo por casa)

Ayuda-Aida

Donativos-Donaciones (ye'l sustantivu incluyíu nel DALLA)

Lo que enllaza equí-Lo qu'enllacia equí (la conxugación taba mal)

Versión pa imprimir-Versión pa imprentar (Lo mismo)

Permanent link ¿Afitar enllaz? (nun sé la función d'esi enllaz, asina qu'hai de trabayar la torna)

Citar esti artículu (tampoco sé la función del enllaz)

Vete al nuesu chigre p'aclarar duldes-Ve al nuesu chigre pa esclariar duldes (l'imperativu ye ve, y'l verbu esclariar)

Acerca de Uiquipedia-Alrodiu de Uiquipedia (camiento que ye un castellanismu nun recoyío nel DALLA)

Plantilla Plantía/Plantiya

Fae click equí-Calca equí o Fai click equí (préstame abondo más la primer opción).

Con too, lo que quiero con esti post ye abrir l'alderique. Nun sé qué pensáis del tema y prestaríame conocer la vuesa opinión. Jesusito 12:51, 17 marzu 2006 (UTC)

Yo o farto (farto nel sentíu de que soi un pesáu, non nel sentíu de que te cansáu, nun me lo malinterpretéis) de que cualqueir cosa que veáis mal nun tenéis más que dicimela. En Especial:Allmessages ta casi too lo qu'hai que traducir na Uiquipedia. Hai delles coses que nun tan ehí y que ye más complicáu, como lo de plantilla. Pa so hai que camudar espacios de nomes y tien que facelo un admin de meta. Si queréis podíemos estudiar bien toos los cambeos y pidir que nos los faigan. Tan en Plantilla:Wikivar. Motánya me dixo que ye más académicu el términu Imaxe que Imaxen. Esi podría ser un cambeu. Ye meyor facelu agora que tovía tenemos pocos artículos y correr un bot pa correxir toes les páxines ye más fácil. Ya que tamos, ¿meyor que categoría nun sería estaya? ¿O nun son lo mesmu?. Yo tampoco estudié nunca asturianu en clase, nun tuve esa suerte. Casi pueo dicir que uso la uiquipedia pa deprender, polo que nun tengáis mieu en correxirme les faltes que tenga. --rsg (mensaxes) 17:37, 17 marzu 2006 (UTC) P.D.:toi casi sin piles nel tecláu y cómese la mitá de les lletres, perdona-y si nun se m'entiede bien.

Por cierto, lo de Permanent Link sirve pa sacar un enllace a la páxina tal y como ta n'esi momentu. Si por exemplu tu pones http://ast.wikipedia.org/wiki/Portada dirá siempre a la versión que tengamos n'esi momentu. De la otra manera te saca un enllaz a la versión en concretu que tas viendo, que col tiempu pue camudar. Nun sé si m'explico xD. y lo de citar esti artículu pues ye pa eso, pa dar exemplos pa la xente que tenga que facer una cita del artículu, y los da nos formatos más comunes. Ye dicir, que si yo toy faciendo un trabayu pa clase y quiero poner que saqué los datos de la wikipedia, pues uso alguna d'eses fórmules. --rsg (mensaxes) 00:46, 18 marzu 2006 (UTC)

OK, Veo que trabayeste abondo esti finde, asina que nun voi date munchu la vara. Pues sí, lo del bot y demás toi con ello. Lo d'estaya penselo, pero nun toi mui seguru, ya que peme que ye más un área de trabayu qu'una categoría propiamente dicha. De toles maneres, teo duldes alrodiu de lo afayadizo que sea el cambéu. Voi poneme colo que dices d'especial allmessages. Y preparar lo del wikivar. Plantía e imaxe son dos qu'hai camudar de xuru. Nun sé si lo meyor sería abrir una estaya específica pa esta xera, un wikiproyeutu o daqué parecíu. ¿Como lu veis? Camiento que ye perimportante pal bon desenvolvimientu de la uiqui. Jesusito 22:47, 19 marzu 2006 (UTC) Coime, les páxines tan protexíes y nun puedo trabayar nelles. (Digo les de allmessages). Jesusito 22:53, 19 marzu 2006 (UTC)

Sí, viene protexíes, pero puedes poner lo que quieras camudar na páxina de discusión y llueu pongoles yo. Ye que tan así por defeutu, nun se puede camudar eso. --rsg (mensaxes) 00:39, 21 marzu 2006 (UTC)

¿En qué páxina de discutiniu hai que poner les propuestes? --Hugo López 18:51, 25 marzu 2006 (UTC)

Ye verdá, nun la hai. Va haber de facer la páxina esa en plan wikiproyeutu pa organizar toes eses cuestiones. Póngome a ello. Jesusito 11:15, 26 marzu 2006 (UTC)

Traducción de la semana

Entrugárome que si nos interesaría participar nel proyeutu m:Traducción de la semana. Habría que tornar toles selmanes un artículu, el mesmu pa toles wikis. Voi intentar traducir la páxina de meta y facer la d'equí (correxirme too lo que veais mal eh). Si daquién quier participar, ye bienveníu. --rsg (mensaxes) 16:16, 22 marzu 2006 (UTC)

Perbona idea. Aú hai qu'apuntase? ;) Jesusito 00:04, 23 marzu 2006 (UTC)

¿Ta fecha yá la torna? --Hugo López 18:49, 25 marzu 2006 (UTC)

Si, ficela'l vienres. ¿Qué vos paez si facemos una llamada dende la portada? Igual podíemos esborrar lo de biografía destacada, que nun lo actualizamos dende cuantayá. Amás, l'artículu destacáu ye muches vegaes una biografía. Dende esa llamada a la traducción de la selmana podíemos dirixir a la páxina que ta tornando rsg. ¿Como lu veis? Jesusito

Paezme bien. --Hugo López 13:46, 26 marzu 2006 (UTC)

Primera entruga: ¿Cómo llamamos a la páxina? xD. Mi propuesta: Torna de la selmana. --rsg (mensaxes) 14:09, 27 marzu 2006 (UTC)

Paezme lo más correuto. --Hugo López 14:29, 27 marzu 2006 (UTC)

Fice la d'esta selmana. (Guerra anglozanzibariana). En cuantes a lo del nome de la páxima peme bien. Un saludu. Por cierto, daquién ta tocando les bowling col llionés y coses pol estilu. Yo colo pal trabayu darréu, asina que nun pueo parame más. Jesusito 09:14, 28 marzu 2006 (UTC)

Ya puse nel portal de la comunidá un enllace a lo de la torna de la selmana, y de paso fice tamién una páxina d'articulos soliticaos, pa que podáis poner los que vos parezca que nos faen falta y que cualquier otru puea facer. Ye un buen complementu pa la llista d'artículos que toa Wikipedia tien que tener. Espero que vos guste la idea. --rsg (mensaxes) 14:04, 28 marzu 2006 (UTC)

Perguapu. Oyi,voi pone-y un enllaz dende'l portal de la comunidá. Si nun te paez bórreslo cuando lu veas.Jesusito 14:09, 28 marzu 2006 (UTC)

Olvídalu. :P Jesusito 14:11, 28 marzu 2006 (UTC)

Jeje. Ye lo de Crear artículos que daquién pidió pero paezme que nun ta claro lo que ye, así que corríxelo a ver si se te ocurre algo más guapu, que a mi nun me da pa más la neurona xD. --rsg (mensaxes) 14:13, 28 marzu 2006 (UTC)

Plantilla destacaos

Fice un cambeo na plantilla de destacaos, pa que nun fuera tan intrusiva. Agora sal una estrellina arriba a la derecha, y calcando n'ella vase a la páxina de los artículos destacaos. Pa mi ta meyor así, porque sigue la filosofía de que los artículos sólo tienen que tener cosas de los artículos, pa coses relacionaes cola enciclopedia, meyor na páxina de discusión o en secciones aparte. ¿Qué vos parez? Si nun vos gusta podemos volver a la versión vieya en un plis. De toes formes, lo de poner coses ahí puede tener más utilidaes. Por exemplu, agora mesmu ocúrreseme que taría bien pa identificar los artículos escritos n'alguna variante diferente a la central, o coses así. Eso sí, sin mete-yos media docena de imáxenes a cada cosa, qu'entós pierden la gracia xD. --rsg (mensaxes) 23:32, 30 marzu 2006 (UTC)

Paezme perbien esa idea d'identificar les variantes. Sobre too, si facemos unos iconos amañosos y identificables que na portadan (onde ponemos que esta ye la wiki n'asturianu lliones mirandes, axuntamos el iconu a cada variante. Creo que nun ye mala idea. Jesusito 01:04, 31 marzu 2006 (UTC)

Lo d'identificar les variantes paezme perfecho. Y al rau de lo de la estrellina, veo que, como diba yo suxerir, tamién apaez nel interwiki de la es: en dellos artículos. Bon cambéu. --Hugo López 03:30, 2 abril 2006 (UTC) Edito: añedí la estrellina n':es pa tolos nuesos destacaos. Taría bien buscar dalgún artículu más pa destacar.

Minimanual

Pa min que me colé. Fice un minimanual y púnxelu na Uiquipedia:Cómo pueo collaborar. Nun sé si taría meyor na páxina d'ayuda. Ayudaime porfa. Echa-y un güeyu y a ver que vos parez. Jesusito 12:57, 9 abril 2006 (UTC)

A mí paezme mui útil y claru, gracies por facelu. Igual se pue completar esplicando cómo se fain les redireiciones. Tamién taba bien que se ficiere un enllaz dende la portada. Motán 16:47, 9 abril 2006 (UTC)

Camudar nomes d'artículos

Saludos xente ¿Cómo se fai pa camudar nomes d'artículos? dígolo porque había que dir arreglando los referentes a topónimos. Con los estudios de la Xunta de Toponimia tán camudando munchos de los topónimos que tenía l'ALlA nel so llibru de "Nomes de conceyos, parroquies, pueblos y llugares del Principáu d'Asturies" que taben mal. Per otra parte, pienso que ye lo más razonable poner los nuevos topónimos oficiales ellí onde los heba. Pongo l'exemplu d'Ayande, recoyío como Allande pola ALlA pero que realmente nun tien otru nome qu'Ayande. Tamién hai que revisar tola toponimia del sur del cordal, qu'hai unes pataes curioses a la llingua. Otramiente ¿cómo se fai pa rexistrase con un alcuñu?

Salú

Vamos entama pel final. Pa rexistrate nun tienes más que dir aquí, elexir un nome y una clave, y ya ta. Y si pones el to corréu meyor, así si pierdes la clave puedes recuperala, y además la xente puede mandate mensajes privaos (ensin saber el to corréu, tranquilu).

Lo de los nomes tienes razón, hai que dir camudándolos pa axustase a los nomes oficiales. Pero hai que tener en cuenta qu'agora mesmu sólo hai diez conceyos cola toponimia aprebada. Yo pienso que pal resto ye meyor esperar a que sea oficial. Na mi páxina d'usuariu tengo un enllaz a los espedientes toponímicos.

Pa camudar el nome d'un artículu tienes que tar rexistráu, y se fae trelladándolu. Si tovía nun tienes mucha práctica na wikipedia ye meyor que lo pidas na discusión, porque los tresllaos afecten a munchos otros artículos y val más que lo faiga alguien con esperiencia. Home, si son artículos que sabes que nun los enllaza nengún otro, sin miéu. Pero nel caso de conceyos y similares, val más facelu con calma.

Espero habete ayudao, y si non, pregunta tolo que quieras. --rsg (mensaxes) 19:56, 21 abril 2006 (UTC)