Diferencies ente revisiones de «Tuenti»

De Wikipedia
Contenido eliminado Contenido añadido
TXiKiBoT (alderique | contribuciones)
m robot Añadido: pt:Tuenti
Llinia 35: Llinia 35:
*[http://www.tuenti.com/ Páxina d'entamu de Tuenti]
*[http://www.tuenti.com/ Páxina d'entamu de Tuenti]
*[http://www.tuentimonitor.com/ Tuenti Monitor - Software de monitorización pa Tuenti]
*[http://www.tuentimonitor.com/ Tuenti Monitor - Software de monitorización pa Tuenti]
*[http://www.invitacionestuenti.net/ InvitacionesTuenti.net - Consigue tu invitación para Tuenti]


[[Categoría:Internet]]
[[Categoría:Internet]]

Revisión a fecha de 18:54 25 mar 2010

Tuenti ye una rede social virtual dirixida a la población xoven española. Permete al usuariu facer el so propiu perfil, xubir semeyes y videos y falar colos collacios y amigos. Tien otres munches posibilidaes como facer eventos y etiquetar amigos en semeyes. Carauterízase tamién pol so potente restolador.

Inauguráu en xineru de 2006, Tuenti ye unu de los sitios web más visitaos n'España, según Alexa Internet.

Hestoria

Tuenti ye una rede social española fecha en xineru de 2006 por Zaryn Dentzel, un estudiante norteamericanu que güei vive en Madrid (España). Dentzel conoció España al traviés d'un intercambiu que lu llevó a Cabeza del Buey (Badaxoz), y a raíz d'ésta esperiencia foi como años más tarde ñacería Tuenti. Al entamu diba dirixíu pa universitarios y sólo dalgunos conocíos pudieron probalu. Más tarde, en vista del so éxitu, permetieron la entrada a más usuarios, pero sólo si tiníen invitación. Güei calcúlase 3 millones d'usuarios n'España, la inmensa mayoría d'ellos universitarios y escolinos (colexales).

Equipu

P'atopar programadores ficieron una seleición per internet, incluyíu'l propiu Tuenti. D'ehí fízose un casting y s'elixó al equipu que güei forma l'equipu, que ta formáu por xente de tol mundiu (norteamericanos, polacos, ingleses y españoles).

Nome

Según Zaryn Denzel, el nome "Tuenti" surxó de la necesidá d'atopar unu qu'incluyera "tu" y "ti". Pa da-y nome, los miembros baraxaron munchos nomes y al final se decidieron por Tuenti porque se paez a “tu entidá” y porque sonaba bien.

Funcionamientu

Tuenti ye una rede social d'accesu restrinxíu a la que sólo s'entra médiante la invitación d'un miembru anteriormente rexistráu. Esti mecanismu, según la empresa, garantiza en principiu que tou usuariu recién llegáu ya tenga un víncalu con otru miembru de la rede a partir de cuál puea entamar a establecer rellaciones col restu de los usuarios.

Mi perfil

Cada usuariu dispón dientro de la rede d'una páxina nomada "Mi perfil" dividida en varios apartaos cuya visibilidá dientro de la rede pol restu de los usuarios pue ser regulada alcuerde a que sólo fuera visible polos amigos o collacios del usuariu, polos amigos o collacios de sos amigos o collacios, o por tolos usuarios. Nesta páxina atópase normalmente na columna esquierda una semeya del usuariu con información personal tal como'l sexu, la edá, l'estáu nesi momentu (a elixir entre "solteru", "con dalguién", "con rollu"), la fecha de ñacimientu, la ciudá de residencia, lo que l'usuariu gueta dientro de la rede ("amistá", "mozu/moza", "mozu/moza pa rollu") y la fecha d'ingresu. Inclúyise amás nesta mesma columna información sobre los intereses del usuariu como les sos aficiones, les sos películes y llibros preferíos y los sos grupos de música favoritos, y sos "zones de folixa".

La columna central de "Mi Perfil" ta dividida en tres bloques: blog, semeyes, y "Mi tablón". La seición de blog da-y al usuariu un sitiu onde escribir testos ya incluyir videos a modu de blog, ordenando les entraes per orde cronolóxicu inversu. "Semeyes" amuesa les ocho semeyes más nuevos nes qu'apaez l'usuariu. Finalmente, "Mi tablón" ye un espaciu onde les otres usuarios de la rede puen dexar mensaxes personales.

Finalmente, la columna drecha amuesa una riestra pequeña de los amigos o collacios del usuariu ordenada según la fecha d'actualización de sos perfiles.

Guetador

Tuenti dispón d'un guetador p'atopar a tolos miembros de la rede pol so nome real. Pa reducir los resultaos de la gueta dispón de varios filtros como'l sexu, la edá, el centru d'estudios o trabayu y la zona de folixa.

Estadístiques

Sírvense alredor de 2.000 millones de páxines al mes, anque la rede ta en plenu crecimientu. Cada selmana rexístrense alredor de 8.000 usuarios nuevos y calcúlase que cada usuariu la dedica al sitiu dos hores d'usu per sesión,demientres qu'en otres redes sociales como Facebook y MySpace nun se llega a los 45 minutos.

Referencies

Enllaces esternos