Diferencies ente revisiones de «George Lucas»

De Wikipedia
Contenido eliminado Contenido añadido
TXiKiBoT (alderique | contribuciones)
m robot Añadido: la:Georgius Lucas
Llinia 73: Llinia 73:
[[li:George Lucas]]
[[li:George Lucas]]
[[mk:Џорџ Лукас]]
[[mk:Џорџ Лукас]]
[[ml:ജോര്‍ജ്ജ് ലൂക്കാസ്]]
[[ml:ജോർജ്ജ് ലൂക്കാസ്]]
[[mr:जॉर्ज लुकास]]
[[mr:जॉर्ज लुकास]]
[[ms:George Lucas]]
[[ms:George Lucas]]

Revisión a fecha de 23:49 6 feb 2010

George Lucas nuna gala en 2006.

George Walton Lucas, Jr. (ñacíu'l 14 de mayu de 1944 en Modesto, California) ye'l creador de l'esitosu fenómenu cinematográficu de "Star Wars" y darréu d'Indiana Jones, presidente de Lucasfilm Ltd., LucasARts Entertainment Company, y Lucas Digital Ltd, Lucas Licensing, LucasBooks y Lucas Learning Ltd.

Lucas dirixó la so primer obra cinematográfica THX 1138, en 1970. La película foi producía por American Zoetrope y contó con Francis Ford Coppola como productor executivu. La película taba basada nun curtiumetrax del propiu Lucas ganador de numberosos premios a ñivel estatal. En 1971 Lucas forma la so propia compañía, Lucasfilm Ltd, en San Rafael, California.

En 1973 Lucas dirixó American Graffiti, una película sobro coches y xóvenes. Ganó con ella'l Globu d'Oru, el New York Film Critics y el premiu de la National Society of Film Critics. Ganó tamién 5 nomaciones a los Oscars.

Cuatro años dempués, Lucas escribió y dirixó "La Guera de les Galasies" (darréu rebautizada como Episodiu IV: Una nueva esperanza), una película que baltió tolos recors de venta d'entradas y ganó siete Oscars de l'academia. Lucas entamó la hestoria de "L'impreriu contraataca" (Episodiu V) y "El tornar del Jedi" (Episodiu VI), de les cuales tamién foi productor executivu. En 1980 escribió y produció "A la gueta l'Arca Perdíu", dirixida por Steven Spielberg, algamando 5 premios de l'academia. Tamién foi co-productor y creyador de la hestoria d'"Indiana Jones y el Templu Malditu", estreada en 1984, nomada a 2 premios de l'Academia y algamando un Oscar por efeutos especiales.

L'últimu proyeutu de Lucasfim foi rematar la nueva triloxía de "La Guerra de les Galasies". "L'ameaza pantasma" (Episodiu I), de la nueva triloxía, foi escrita, dirixida y producida por George Lucas y salió al públicu'l 19 de mayu de 1999. En mayu de 2002 estrenóse la segunda parte, "L'ataque los clones" (Episodiu II), tamién dirixía y producía por él. El capítulu caberu de la nueva triloxía, "La venganza los Sith" (Episodiu III), qu'abre les puertes a la triloxía clásica, estrenóse'l 19 de mayu de 2005, quedando la saga finada.

Filmografía

George Lucas en persona apaeció na so cabera película, La venganza los Sith, interpretando a un personax estra llamáu Baron Papanoida.