San Pedru

San Pedru
Nome	Simón Pedru
Data de nacencia	nun se conoz
Llugar de nacencia	Betsaida, Galilea
Aniciu del papáu	33
Fin del papáu	67
Predecesor	nun tien
Socesor	San Llinu

Pedru, tamién nomáu Cefas (Betsaida, ? – Roma, 64/67), foi, d'acordies col Nuevu Testamentu, ún de los dolce apóstoles, discípulos de Xesús de Nazaret. Identifícase como'l primer dirixente de la Ilesia.

Orixinariu de Betsaida, el so nome yera Simón (n'araméu Shim‘on bar Jochanan, n'hebréu שמעון בן-יוֹנָה Šim‘ôn ben Jon'ah y en griegu Συμεών Symeon). Taba casáu y treslladóse a vivir pa Cafarnaún, au trabayaba de pescador nel Llagu Tiberiades acompañáu pol so hermanu Andrés; sedrá ún de los primeros discípulos de Xesús.

Según la tradición católica

Pedru, pintura d'El Greco

Según la tradición católica, llueu d'evanxelizar Antioquía, la rexón del Pontu, Galacia, Bitinia y Capadocia, aportaría pa Roma, au se convertiría nel primer obispu y morrería martirizáu en Roma nel llugar del Vaticanu. La so tumba atopóse pol arqueólogu Jérôme Carcopino nos años cuarenta y pue visitase. Ta consideráu un santu, amás d'otres, pola Ilesia católica asina como'l primer papa.

Según la tradición popular, san Pedru sedría'l guardián de les puertes del Paraísu, poro ye representáu con unes llaves na mano.

Nome

Nos diferentes evanxelios atópense diversos nomes asemeyaos qu'emprimen por Simón:

• Simón Kêpha (la Piedra) (Pedru) (Matéu 4,18)
• Simón el Zelota (Lluques 6,15) y (Fechos 1,13)
• Simón el Cananéu (Marcos 3,18)
• Simón barjonna (fíu de Xonás) (Xuan 21,15)
• Simón Iscariote (Xuan 6,70)

Según Robert Ambelain toos son una sola y única persona, Simón Pedru.

Predecesor: nun tien

33-67

Socesor: San Llinu

• Wikimedia Commons acueye conteníu multimedia sobre San Pedru.