República Serbia

Република Српска
República Serbia

Застава РС
Llingua	serbiu
Capital	Banja Luka
Presidente	Dragan Cavic;
Premier	Pero Bukejlovic;
Fusu horaria	UTC +1

La República Srpska (Република Српска) o República Serbia ye una de les dos entidaes polítiques que faen parte de Bosnia-Herzegovina.

Llenda'l norte con Croacia, al noreste col distritu de Brcko, al este con Serbia y Montenegru y al sur cola Federación de Bosnia-Herzegovina.

Historia

Na guerra de1992-1995, tres la proclamación de la independencia de Bosnia y Herzegovina de Yugoslavia, los serbios que yeren una minoría na rexón iniciaron col sofitu del exércitu de Serbia y la inacción internacional una llimpieza étnica nel 70% del territoriu de Bosnia que controlaben con asesinatos masivos y violaciones de civiles con cerca de 100.000 víctimes mortales y munchos más desplazaos. En 1995, tres la masacre de Srebrenica na que fueron asesinaos unos 6.000 homes bosnios de la ciudá, los musulmanes bosnios y los croates col sofitu de la OTAN recuperaron parte del territoriu, teniendo los serbios que vivíen nes fasteres recuperaes que fuxir, siendo acoyíos na rexón de Bosnia que güei ye conocida pol nome de República Serbia o Republika Srpska.

La República Serbia ocupa un 49% de Bosnia y Herzegovina, tien unos 2 millones d'habitantes, el 93% d'ellos son d'etnia serbia y relixón cristiana ortodoxa.

Les ciudaes más grandes de la República Serbia son:

Na parte oeste:

• Banja Luka 220.000 hab.
• Prijedor 100.000 hab.
• Doboj
• Bosanska Dubica
• Novi Grad
• Mrkonjic Grad
• Bosanska Gradiška
• Prnjavor
• Laktasi
• Sipovo
• Kozarac 27.000 hab.

Na parte este:

• Trebinje 30.000 hab.
• Zvornik
• Bijeljina 40.000 hab.
• Pale
• Istočno Sarajevo (Sarayevo este)

• Wikimedia Commons acueye conteníu multimedia sobre República Serbia.