Manifiestu comunista

Portada de la edición n'alemán del Manifiestu.

El Manifiestu Comunista foi escritu por Karl Marx y Friederich Engels en 1848. Esti testu surde d'un encargu de la Lliga de los Comunistes, una organización obrera internacional, tres del Conceyu celebráu en Londres en 1847, y nél declárense los entamos fundamentales sosteníos pola Internacional comunista. Ye famosa la frase inicial: "Una bisarma anda Europa: la bisarma del comunismu...". Esti testu, a diferencia d'otros escritos marxistes, ye mui claru nel so llinguax y categóricu nes sos definiciones pues ta empobinau sobre too a les clases trabayaores. Otra frase, que tamién se convirtió'n mítica dientro'l movimientu obreru internacional algamando notable sonadía, ye cola que se pieslla El Manifiestu: "Proletarios de tolos países, ¡axuntáivos!"

Publicóse primero n'alemán y depués foi tornáu a otres llingües de cultura. Ciento cincuenta años depués d'esta primer edición, en 1998, asoléyase la primer versión n'asturianu, siendo l'autora de la torna Pilar Fidalgo Pravia. Curiosamente la primer versión rusa d'El Manifiestu foi tornada por Bakunin.

Esti Manifiestu foi ún de los pegoyos nos que se sofitó'l movimientu obreru internacional y el procesu revolucionariu rusu de 1917 que dio llugar al nacimientu de la Unión de Repúbliques Socialistes Soviétiques.

Enllaces esternos

• Manifiesto Comunista en Wikisource (en castellanu)