Taekwondu

Competición de Taekwondo

El taekwondo o más esautamente taegwondo ye un arte marcial d'orixen coreanu, bastante similar al kárate xaponés. Básase na utilización de les manos y pies p'atacar o defenderse d'un adversariu. El taekwondo ye un deporte nacional en Corea del Sur, kyeorugi, y un eventu deportivu nos Xuegos Olímpicos. Nel alfabetu coreanu hangeul, tae (跆) significa golpiar col pie; gwon (拳) golpiar cola manu; y do (道) significa camín o vía. Taekwondo ye asina davezu traducíu por "camín del pie y del puñu".

El taekwondo apéllase sobre una llarga tradición d'artes marciales coreanos (unos 2000 años atrás), magar qu'esiste na so forma autual namái cerca de 50 años. Güei en día tiense transformáu nún deporte mui estendíu. Nos Xuegos Olímpicos de Seúl 88 y de Barcelona 92 transformóse en deporte olímpicu d'eshibición y autualmente tien aportao ser deporte olímpicu de competición.

Ún de los exercicios más importantes ye la realización de pumses (katas en terminoloxía de kárate). Los pumses son de secuencies de movimientos de defensa y ataque que simulen un combate imaxinariu con diversos adversarios, y están rellacionaos direutamente colos diferentes graos de cinturones. Memorízense y repiten col envís d'incrementar l'equilibriu, la ellasticidá, la rapidez y el dominiu de los desemeyaos movimientos.

Enllaces esternos

• Wikimedia Commons acueye conteníu multimedia sobre Taekwondu.
• (en catalán) Federación Catalana de Taekwondo
• (n'inglés) American Taekwondo Association (ATA)
• (castellán) Federación chilena de Taekwondo (WTF)
• (castellán) Federación canaria de Taekwondo
• (castellán) Asoc. Escuela Mendocina de Taekwondo, Arxentina (WTF)