Nacionalismu vascu

L'arbol de Guernika ye un símbolu de les llibertaes vasques.

El nacionalismu vascu xurde a finales del sieglu XIX, tres la Tercera Guerra Carlista y la casi supresión dafecu de los fueros (lleis propies). El primer partíu políticu abiertamente nacionalista ye'l Partíu Republicanu Navarru, que converxe cola organización vizcaína de Sabino Arana Goiri pa formar el Partíu Nacionalista Vascu (EAJ-PNV), nun contesto de la corriente del Romanticismu.

Orixe

A finales del sieglu XIX apaecen nel país vascu unes corrientes defensores de la llingua y cultura vasques, los llamaos “euskeros”, que reaicionan contra la perda de valores prevocada pola fuerte inmigración pola creciente industrialización del país. Sabino Arana Goiri, consideráu el creador del nacionalismu vascu xunta'l so hermanu Luis Arana Goiri, llimitóse a recoyer toes estes idegues presentes na sociedá vasca.. Amas do EAJ-PNV que fundo y llideró, ye'l creador de dalgunos signos de la identidá vasca: La “Ikurriña” y el sostantivu Euzkadi ( qu'anguañu suel escribise como Euskadi, anque munchos prefieren emplegar el más xenuín Euskal Herria.

Partíu Nacionalista Vascu

Ver articulu principal Partido Nacionalista Vasco

El PNV apaez como ún de los primeros partíos democristianos d'Europa, oscilando siempre ente los sos principios independentistes y el so prgamatismu pactista. Tien sio en tolos períodos democráticos d'España la fuercia política principal del País Vascu. En Navarra, tien tamién una importante presencia fasta los años 80, nos que os jeltzales navarros e gran parte de los guipuzcoanos escindiéronse pa formar Eusko Alkartasuna.

República, Guerra Civil y Ditadura

El primer nacionalismu vascu d'esquierdes ye Acción Nacionalista Vasca (EAE-ANV), con ciertu pesu nel periodu republicanu. Nesta dómina, les demandes nacionalistes d' autonomía reconoceránse cuando'l güelpe d'estáu de 1936 cuadno se firmará'l Estatutu d'Estella pal País Vascu. Cola cayía de Vizcya en 1937 y la rendición de les milicies vasques en Santoña (Pactu de Santoña), fina esti breve períodu d' autonomía moderna. Mientres la primer fase del franquismu la parte sur del País Vascu viviu algunos episodios de guerrilla (o maquis). En 1959 xurde ETA, que escomencipiará la so actividá armada de magar 1968. Nesti períodu, ente otros atentaos, ETA asasinó a Carrero Blanco, consideráu como'l posible continuador del réxime dictatorial.

Fechos recientes

• ETA declara por primer vegada na so historia una tregua indefinida y los distintos partíos nacionalistes (PNV, EA, Batasuna) y Ezker Batua-Izquierda Unida (EB-IU) o [Partíu Carlista]], xunto a otros axentes sociales, firmen el Pactu de Lizarra (o d'Estella) comprometiéndose en que son los propios cidadanos vascos los que deben decidir el futuru d'Euskal Herria y buscar el fin de la violencia.

• Illegalízase Batasuna, aplicando una nueva llei de partíos creada al efectu. Mentres tanto, el lehendakari Juan José Ibarretxe Markuartu (PNV) propunxo un nueu estatutu pa la Comunidá Autónoma Vasca, que ye conocíu como Plan Ibarretxe. L'estatutu incluyía a cellebración dun referendu sobre la soberanía pa los habitantes de la Comunidá Autónoma Vasca.

Fuercies polítiques nacionalistes vasques

• Partido Nacionalista Vasco
• Eusko Alkartasuna
• Batasuna (illegalizáu) anteriormente Herri Batasuna (HB) y Euskal Herritarrok (EH)
• Nafarroa Bai
• Aralar