Tempura

Platu de tenpura
(na esquina superior esquierda).

El tenpura (en xaponés てんぷら o 天羅, tenpura?) (la pronuncia xaponesa anguaño suel ser tenpúra) refierse a la fritura rápida xaponesa, sobro too de los mariscos y vexetales. Cada porción de comida tien de ser del tamañu d'un bocáu y frise nel aceite caliente a esgaya per espaciu de dos o tres minutos.

En restaurantes elegantes, emplégase aceite de sésamu o ún mecíu d'esti aceite con otros distintos.

L'orixe la pallabra tenpura ye llatín. Los misioneros xesuites españoles y portugueses, particularmente activos nel ken de Nagasaki nos sieglos XVI y XVII, introduxeron la costume de tomar pescáu y verdura nos tiempos de "vixilia", nomaos en llatín (llingua qu'hasta mediaos del sieglu XX foi la emplegada pa los oficios relixosos católicos en tol mundu) tempora ad quadragesimæ (= tiempos p'hacia la cuaresma) del añu llitúrxicu católicu. Pesie a la espulsión de los misioneros y de tolos foriatos de Xapón, persistió la costume y el nome d'esti.

• Wikimedia Commons tien conteníu multimedia tocante a Tempura.