Uxo

Ilesia de Santa Olaya d'Uxo.

Uxo ye una parroquia del conceyu asturianu de Mieres, n'España.

• Habitantes : 2.352
• Situación: a 26 km d'Uviéu y 52 km de Xixón.
• Monumentos: Ilesia de Santa Olaya, románica del sieglu XII.
• Fiestes: 1 de mayu, San Xosé Obreru.

Hestoria

Uxo ocupa 3,8 km² y llenda al norte col pueblu de Santuyano, al sur co los de Villayana y Carabanzo, ambos pertenecientes al conceyu de L.lena, al esti col ríu Caudal y Figaréu y Santacruz de Mieres y al oeste cola Sierra de Diego y el Val.le de Cuna.

El nome le vien de la época romana, posiblemente 25 años enantes de C. , cuando Publio Carisio al que-y encomendose la conquista d'Asturies vino dende Pendilla, en Lleón, ta Ostium o Ustium (Güei Uxo)a través de lo que güey conócese comu la ruta Carisia, pasando pol Homón de Faro y Picu Curriechos onde autualmente encontrose una defensa Astur escontra l'Imperiu Romanu y que táse escabando co resultaos satisfatorios pa'l conocimientu de la hestoria d'Asturies. Dempués de descender lo primeru que encontraríen ye un espaciu abiertu, col ríu incluíu al que nominarían Ostium, que non significaba otra cosa que entrada o tamién salida importante, y equí establecieron un campamentu de tránsitu camín de Lucus Asturum (Llugo de Llanera y dempués pa Xixón, habitada per aquel entonces polos Cilúrnigos.

Del asentamientu romanu en Uxo, existen tres exemplos que demuestrenlu, y que encuéntranse nel Muséu Arqueolóxicu d'Asturies. Son unes inscripciones feches na piedra, una d'elles dedicá al Nimmedo Seddiago, presumiblemente Dios Astur y que ta firmá pol Caio Sulpicio l'Africanu por devolver co vida al so sobrín Caio Sulpicio Ursulo. L'otra ta dedicá a Lucio Severo Corona y a la so muyer Octavia y la tercera cuéntanos onde llegó Caio Sulpicio Ursulo perteneciente a los Synmschiari, exércitu astur a les órdenes de Roma. Esti personaxe , segón la inscripción de la llápida, llegó a ser Prefecto de los Symmachiari na guerra de Dacia, Centurión de la Lexión I Minerva Pia y Fiel, Centurión de la Cohorte XII Urbana, Centurión de la Cohorte IV Pretoria, Primo Pilo de la Lexión XVIII y Prefecto de la Legión III Augusta. Los Symmachiari ástures parez ser que yeren un exércitu regular a les órdenes de Roma.

Más tarde, ya nel añu 860 el rei Ordoño I entrega al Obispu Frominio de Lleón la ilesia Sta Eulalia. Según diz el pergaminu qu'alcuéntrase na Catedral de Lleón: ......y la iglesia de Sta Eulalia que está fundada in villa Ussio...., nome que tién naquella época.

Güei conservamos una llápida funereria na nuestra ilesia que lleva la siguiente inscripción:Murio el siervo de Dios, Velasco niño. En la era