Manuel Millares Sall

Manuel Millares Sall, meyor conocíu como Manolo Millares, foi un pintor y grabador canariu nació en Les Palmes de Gran Canaria (isla de Gran Canaria, Isles Canaries) el 17 de xineru de 1926 y morrió en Madrid el 14 d'agostu de 1972.

Cofundador del grupu El Paso en 1957, nos sos anicios pinta paisaxes, cuadros de figures y autorretratos que recuerden nel so estilu a Van Gogh. Dende 1949 dedícase a la pintura abstracta. Realizaba les sos obres con sacos afuracaos, tela de rodiyu y cuerdes nes que pegaba obxetos sacaos de la basoria. Los materiales citaos yeren depués cubiertos con capes rezumentes de pintura, de colores prietu, blancu y bermeyu.

Ente les sos obres destaca la serie Homúnculos. En 2005 produzse'l documental Cuadernos de contabilidad de Manolo Millares, con guión y direición de Juan Millares Alonso, nel que se narra so vida.

Enllaces esternos

• Ficha de la película Cuadernos de contabilidad de Manolo Millares en labutaca.net
• "Cuadro 92", obra de Manuel Millares perteneciente a la Colección Fundación Caixa Galicia