Gran Valle del Rift

Gran valle del Rift. África.

El Gran Valle del rift o rift valley ("rift", francedura, el términu emplegose per primera vegada en 1920 pa describir el relieve del área fallada del oriente africanu, Gran Rift Valley).

Ye un complexu de falles teutóniques que s'estienden per más de 5.000 km, en sen norte-sur, dende'l norte de Siria hasta el centru de Mozambique. Entamó a formase nel sureste d'África (au ye más enanchu) fai unos 30 millones d'años y sigue medrando anguaño, tanto n'anchor como en llonxitú.

El so aniciu produzse pol frayamientu de la roca al espandise la corteza terrestre nesi puntu polos procesos teutónicos (borde diverxente). El procesu ye inversu a la colisión de plaques teutóniques que formen cadenes montañoses como l'Himalaya o los Alpes. Fórmase una zanxa llarga con lladeres de gran pendiente. La estaya rocosa central fráñese y esbarrócase periódicamente, creyando falles normales, nes que los bloques de roca faen un esbariamientu vertical. En munchos llugares estos movimientos formen grandes escalones au los bloques centrales fúndense formando un graben. Per tol Valle del Rift, la corteza terrestres calezse per aciu del magma dilío qu'asciende a la superficie peles fisgues y conos volcánicos.