Agua

Agua n'estáu llíquidu

L'agua ye un compuestu químicu tresparente, ingoloru, insípidu, químicamente formáu por hidróxenu y oxíxenu, de fórmula empírica H₂O, que funde a 0 °C y fierve a 100 °C, el que, nun estáu más o menos impuru, constitúi la lluvia, los mares, los llagos, los ríos, etc.

Na ñatura, toa l'agua alcuéntrase amestao con otres sustancies (sales minerales, gases, partícules en suspensión,...). Nunca nun podremos atopar agua puro. L'augua puro namái pue obtenese nun llaboratoriu al traviés de procesos de purificación, como la destilación.

L'agua ye una sustancia con una cadarma química peculiar. La disposición nel espaciu de los átomos d'hidróxenu al respeutive l'átomu central d'oxíxenu permite la formación d'enllaces febles ente átomos d'O y d'H de molécules estremaes (puntos d'hidróxenu). Esto afeuta a les propiedaes físiques de l'agua, sobremanera les temperatures de fusión y ebullición, que son relativamente otres comparaes con sustancies químiques de pesu asemeyáu como por exemplu'l metanu, l'amoniacu, l'etanu, la so capacidá de se disolver sustancies polares, y la densidá temperatura alterao (por esto flota sobre l'agua llíquido).

Como toles sustancies, l'agua pue camudar d'estáu. Referise a l'agua ye referiese a l'estáu llíquidu, xelu a l'agua n'estáu sólido, y al vapor d'agua n'estáu gasioso. La temperatura de fusión de l'agua, a una presión de 1013 HPa, ye de 0 ºC, y la d'ebullición de 100 ºC (a la mesma presión).

Simbolismu de l'agua

Representación d'una molécula d'agua.

L'agua presenta un simbolismu percomplexu nes estremaes cultures, davezu lligáu a la idea de llimpieza. Nel cristianismu, por exemplu, emplégase demientres el bautismu pa llimpiar el pecáu orixinal col agua bendito. Nel Islam, les abluciones son necesaries enantes d'entamar a rezar y llimpiar el cuerpu de los muertos.

Munchos ríos reverénciese, como por exemplu'l Nilu n'Exiptu o'l Ganxes na India.

Ye ún de los cuatro ellementos clasicos xunto al fueu, l'aire y la tierra. Les más de les vueltes, l'agua taba nel oríxe de la vida (Ex.: nel Xénesis, cuando Dios separta les agües del cielu y de la Tierra).

Páxines rellacionaes

• Agua dulce
• Agua salao
• Agua oxixenao
• Dióxidu de trihidróxenu
• Depuradora
• Fuercia del agua
• Agua pesao
• Agua duro

• Wikimedia Commons tien conteníu multimedia tocante a Agua.