Galorrománicu

Romanía

Esti artículu fai parte de la serie Llingües romániques

Grupos llingüísticos

Iberorrománicu Occitanorrománicu Galorrománicu Retorrománicu Galoitalianu Italorrománicu Balcanorrománicu Sardorrománicu

El galorrománicu ye'l grupu de llingües evolucionaes dende'l llatín y que se falen, o falaron, nes antigües provincies romanes de Les Galies.

El principal rasgu común que tienen estes llingües, más o menos marcaes pol sustratu galu, ye la evolución de la /u/ llatina a /y/, como se pue ver nes diferentes evoluciones dende'l llatín luna(m) :

• lune /lyn(ə)/ en francés
• lua /lyɔ/ o /lyə/ en gascón
• luna /lynɔ/ o /lyna/ nos otros dialectos occitanos .

Suel considerase que pertenecen a esti grupu les llingües que vienen darréu:

• Occitanu;
  • Gascón
    • Aranés
  • Llemosín
  • Auvernés
  • Vivaro-Alpín
  • Provenzal
  • Llinguadocianu
• Francoprovenzal
• Llingües d'Oïl
  • Anglonormandu
  • Berrichón
  • Borbonés
  • Francés
  • galó
  • Picardu
  • pictavín-santonxés
  • Valón

[Les llingües en cursiva tán desapaecíes anguaño]

Sicasí, dellos llingüístes, como Pierre Bec, estimen que l'occitanu, el gascón (consideráu como una llingua estremada del restu de los dialectos occitanos) y el catalán formen un grupu propiu dientro de les llingües romanes. Los idiomes d'esti grupu, conocíu como occitanorrománicu comparten delles característiques del iberorrománicu y del galorrománicu.

Wikipedia en llingües d'esti grupu

• Occitanu.
• Francés.
• Valón.