Diferencies ente revisiones de «Andradita»

De Wikipedia
Contenido eliminado Contenido añadido
m Preferencies llingüístiques
m +{{control d'autoridaes}}
Llinia 21: Llinia 21:
* Galería de semeyes d'andradita n'Interné: [http://www.mindat.org/gallery.php?min=223][http://webmineral.com/specimens/picshow.php?id=42], [http://webmineral.com/specimens/picshow.php?id=48]
* Galería de semeyes d'andradita n'Interné: [http://www.mindat.org/gallery.php?min=223][http://webmineral.com/specimens/picshow.php?id=42], [http://webmineral.com/specimens/picshow.php?id=48]


{{control d'autoridaes}}
[[Categoría:Minerales y roques]]
[[Categoría:Minerales y roques]]

Revisión a fecha de 17:53 8 pay 2020

L'andradita ye un mineral del grupu de los silicatos, subgrupu nesosilicatos y dientru d'estos ye un granate pola típica forma isométrica de los sos cristales, con 12 ó 24 cares trapezoidales. Ye un silicatu de fierro y calciu, de color de normal amarillento con variables tonalidades.

Describióse per primer vegada nel 1868 en Buskerud (Noruega). Púnxose-y nome n'honor del mineraloxista brasilanu J.B. de Andrada y Silva.

Sinónimos bien poco usaos d'esti mineral yeren alocroíta y poliadelfita.

La andradita tien munches variedaes basaes nel color: la melanita ye la variedá negra, demantoide ye la variedá verde brillante, topazolita ye la variedá mariella, etc.

Ambiente de formación

Fórmase en roques calizes metamorfizaes por contautu con una cámara magmática o bien en roques de metamorfismu rexonal. Ye por tantu'l mesmu ambiente de formación que nel casu del granate de calciu y aluminiu, la grosularia. Ye típicu nestos granates formaos por metamorfismu la presencia nos sos cristales d'impurezes de roca sedimentaria xiliza.

En tolos casos, ye típicu que tenga como minerales asociaos a: les miques, clorita, diópsido y serpentina. El demantoide suel atopase acomuñáu al amiantu.

Tamién pue apaecer en roques ígnees, como ye'l casu de la melanita, qu'apaez en llaves y en sienitas.

Enllaces esternos