Compilador

Un compilador ye un programa d'ordenador que traduz un conxuntu d'instrucciones escribayáes nun llinguaxe de programación (el códigu fonte) nun conxuntu d'instrucciones n'otru llinguaxe diferente (el códigu oxetu)

De cutio fálase de compilador cuando el códigu fonte tá escribayáu nun llinguaxe de altu nivel (que una persona puede caltriar), y el códigu oxetu ye códigu especialmente pensáu pa que lu emplegue la máquina (l'ordenador) que va a executar les instrucciones (por exemplu, ye típico que el códigu oxetu quede nun ficheru COM o EXE que pué executase direutamente).

Hay programas que traducen instrucciones de un llinguaxe de altu nivel a otru, pero entós ye más correuto nomar a esos programas traductores y non compiladores. Tamién hay programas que traducen de un llinguaxe de baxu nivel a ún de altu nivel; llámense descompiladores (esti procesu non siempres puede facese).

Na práutica, un compilador pué vese como una ferramienta que empleguen los programadores pa xenerar un programa; ellos escriben nun llinguaxe de altu nivel, y col compilador xeneren el programa executable que-y dan al veceru, y que esti pue emplegar na xera que correspuenda.