Federación de Bosnia y Herzegovina

Federacija Bosne i Hercegovine
Федерација Босне и Херцеговине
Federación de Bosnia-Herzegovina

Llingua	bosniu y croata
Capital	Sarayevo
Población(2002)	2.318.972 (57,7% del total del Estáu)
Estensión	26.110 km2 (51,1% del total del Estáu)
Densidá	88.9 hb/km2
Presidente	Niko Lozančić;
Fusu horariu	UTC +1

La Federación de Bosnia y Hercegovina (Federacija Bosne i Hercegovine, Федерација Босне и Херцеговине) ye una de les dos entidaes polítiques que formen l'Estáu de Bosnia-Herzegovina, xunto a la República Serbia.

Mayoritariamente ta habitada por bonios musulmanes (o bosnios) y bosnios croatas (o croates). Por esti motivu tamién ye, popularmente, nomada como Federación Croatomusulmana; si qu'asina los serbios fueron declaraos el tercer greyu étnicu consitutiyente de federación nel 2001 pol Tribunal Constitucional quien, tamién, declaró lo mesmo colos bonios y los croates na República Serbia.

Esta entidá creyose polos alcuerdos de Washington robraos el 18 de marzu de 1994, los cualos entamaben un Aconceyamientu Constituyente, que se disolvió en 1996. Creyose p'abeyugar les poblaciones bosnies y croates nun territoriu llibre de los paramilitares serbios que durante la terrible guerra civil llevaron a cáu un procesu de llimpieza étnica escontras los bosnios; asina como asegurar a esta nación una autonomía plena que-y permitiera autogobernase ensin frañir l'estáu bosniu-hercegovín.

Poro, anguaño, la federación tién la so propia capital, gobiernu, bandera y escudu, presidente, parllamentu, departamentu de policía, sistema postal y llinia aérea asina como exércitu (Vojska Federacije Bosne i Hercegovine), so'l control del Ministeriu de Defensa de Bosnia-Hercegovina.