Diferencies ente revisiones de «Sidra»
m +{{control d'autoridaes}}, usando FastButtons |
m iguo testu: másimu => máximu |
||
| Llinia 14: | Llinia 14: | ||
== Consumu == |
== Consumu == |
||
La Sidra Natural escánciase enantes de beber. L'escanciáu consiste en char la sidre dende la botella col brazu estiráu dafechu p'arriba nel vasu na mano aviesa espurrida pa baxo algamando la |
La Sidra Natural escánciase enantes de beber. L'escanciáu consiste en char la sidre dende la botella col brazu estiráu dafechu p'arriba nel vasu na mano aviesa espurrida pa baxo algamando la máxima distancia ente la botella y el vasu. El filu de lliquidu tien que romper cerca'l borde del vasu espalmando. L'escanciáu ye relativamente recién. Antaño sirvíase en vasu d'una xarra los dos de madera. El culín o culete bébese d'un tragu ensin dexalu morrer tres l'escanciáu. |
||
Nes espiches nos llagares la sidre espichase dende les pipes de sidra. |
Nes espiches nos llagares la sidre espichase dende les pipes de sidra. |
||
Revisión a fecha de 14:04 6 och 2020
| Sidra | ||
|---|---|---|
 | ||
| Nome | Sidra | |
| Procedencia | España, Francia y Alemaña | |
| Procedencia | España, Francia y Alemaña | |
| Detalles | ||
| Materiales usaos |
mazana lleldu mazana sidrera | |
| Colores | mariellu | |
| Más información | ||
| [editar datos en Wikidata] | ||
La sidra o sidre[1] ye una bebida alcohólica de baxa graduación (4~8º) fecha cola fermentación del zume de la mazana. Nel departamentu normandu de Calvados (Francia) fabrícase un brandy de mazana, nesti casu ye por destilación.
Ye una bebida perespardío per tol mundiu. N'Europa alcuéntrase en dellos llugares como: Alemaña, Normandia, Bretaña y País Vascu (Francia), Asturies y País Vascu (España), Piamonte (Italia), Escocia ya Inglaterra (Reinu Xuníu). N'América, tópase en zones de dellos países, probablemente por influyencia d'inmigración asturiano del sieglu XIX. En Huejotzingo y Zacatlán, nel estáu de Puebla (Méxicu). N'Arxentina nes provincies de Río Negro, San Juan y Santa Fe.
Hai dos tipos de sidra bien estremaos, la sidra natural y l'axampanao. Demientres que n'Asturies y País Vascu'l mayor consumu ye de sidra natural, nel restu del mundu prefierse la sidra axampanao.
Ellaboración de la sidra natural
Tres aportar al llagar les mazanes, máyense nel duernu y sácase'l mostu, que garra'l nome de "sidra'l duernu" o "sidra dulce". Dempués de formentar un tiempu na pipa, espíchase, y embotéllase, bien pa guardar pal añu o bien pa vendela si'l llagar ye industrial. L'actu la espicha da llugar a una de les mas vieyes costumes asturianes, que ye axuntáse tolos collacios alrodiu d'una pipa sidra con delles coses pa xintar (chorizu, tortiella, empanaes, güevos cocíos…) y tar d'alderique y de cancios dica bien tarde.
Consumu
La Sidra Natural escánciase enantes de beber. L'escanciáu consiste en char la sidre dende la botella col brazu estiráu dafechu p'arriba nel vasu na mano aviesa espurrida pa baxo algamando la máxima distancia ente la botella y el vasu. El filu de lliquidu tien que romper cerca'l borde del vasu espalmando. L'escanciáu ye relativamente recién. Antaño sirvíase en vasu d'una xarra los dos de madera. El culín o culete bébese d'un tragu ensin dexalu morrer tres l'escanciáu.
Nes espiches nos llagares la sidre espichase dende les pipes de sidra.
Los demás tipos de Sidra bébense en vasu nos tiempos que a caún-y preste
Denominación d'Orixe
Dempués d'abondos años ensin regulación dala, caberamente algamóse la Denominación d'Orixe Protexida Sidra d'Asturies, que va facer que la calidá del productu seya muncho mayor, al dixebrala d'otres sidres feches con mazana d'otres tierres, que nun son quien a tener el cuerpu y el tastu tradicional.
Menes de sidra
- Sidra natural
- Sidra axampanao
- Sidra de nueva espresión
- Sidra dulce
- Sidra del Duernu
- Sidra d'Asturies (Denominación d'Orixe Protexida)
Otros productos
Publicaciones asturianes
En setiembre de 2003 asoleyábase la revista mensual "La Sidra" la primer espublización asturiana sobre la sidra y editada pol Ensame Sidreru. Yá en 2006, en xunu, l'Asociación de Llagareros d'Asturies (ALA) asoleyaba "Sicera" convertiéndose na segunda revista sidrera d'Asturies. A fines de 2006 Editora del Norte asoleya Vivir la Sidra tamién a fines d'esti añu apaez el primer periodicu mensual de baldre sobre la sidra col nome Sabor de Sidra y tamién proyeutu empresarial.
Referencies
- ↑ El Diccionario General de la Lengua Asturiana tien una definición pa sidre.
