Susarros

Los Susarros yeren un pueblu de los Astures referenciáu na Tabla de Folgoso do Courel y nel bronce de Bembibre, ónde se-yos otorga la inmunidá (fiscal) perpetua pol emperador Augusto como pagu pola so fidelidá.

Estensión territorial

El so territoriu taría asitiáu alrodiu de Bembibre (Paemeiobriga) na riera drecha del ríu Sil, posiblemente nel pueblu de San Román de Bembibre.

Se tien discutíu si esta ciudá de Paemeiobriga coincide cola tamién ciudá de los astures Interamnium Flavium, ya que’l significáu de dambes ye pareyu (la ciudá d'ente los ríos) y que darréu, podría tratase duna llatinización del nome del mesmu llugar. Al aviesu, dellos autores afiten que son dos ciudaes distintes, asitiando Interamnium, nel territoriu de Noceda del Bierzo, unos 13 kilómetros al Norte Noreste de Bembibre.

Organización política

Políticamente, los Susarros siguen, mesmo que los Galaicos, el sistema d'organización basáu en castella, a la escontra de Luggones tresmontanos y Zoeles, qu'amuesen una organización xentilicia. Sicasí, como punxere de manifiestu el profesor Julio Mangas, que nel ámbitu astur la nomada C invertida puede expresar mesmu castellum que castellani.

Tillegus Ambati f(ilius) Susarrus C<--(castello) Aiobrigiaeco (Folgoso do Courel, Llugo) Iovi C<--(castellani) Queledini (Ponferrada, Lleón) castellanos Paemeiobrigenses ex gente Susarrorum (Bembibre, Lleón) Deae Cenduediae sacrum castellani (Bembibre, Lleón)

Relixón

No que cinca a la so relixosidá, sábese que rendíen cultu a la diosa Nabia por una inscripción atopada en Folgoso de la Ribera (Lleón) Naviae D / (…) P P R

Otres inscripciones, per embargu, han ponese en dulda, y son atribuyibles a posibles inmigraciones rellacionaes colos movimientos de población de la industria minera del oru. Un exemplu sería la llábana en honor d'una dala diosa Degantia afayada en Cacabelos, ufrida por una nativa d'Uxama Argaela (Soria). Deae Degant(...) Flavia Flavi in honorem Argaelorum fecit libens ex voto

Aparentemente esta inscripción, nun falaría namás del cultu de los Susarros a esta divinidá, sinon tamién de la inclusión en dientru d’esti pueblu, d’una xente o xentilidá de los Argaelos. En pallabres del profesor Juan C. Olivares Pedreño:

Otros casos de desplazamientos de población y difusión de cultos hacia zones mineres tienen que ver, precisamente, cola región que nos ocupa: El Bierzo. En Cacabelos (Lleón) foi atopada una hallada una placa votiva que se dedicó a una deidad llamada Degant[ia] por una mujer, Flavia. El motivo de la ofrenda es lo que la hace más interesante desde la perspectiva que venimos planteando, ya que se ofreció in honorem Argael[...]. Esta mención debe referirse a Uxama Argaela (Osma, Soria) y, en concreto, a unos Argaeli que estaban radicados en el área del actual Cacabelos del Bierzo. A éstos se les honraba, probablemente, haciendo la ofrenda a su diosa patria, Degantia. Esta hipótesis parece reforzarse con el hallazgo reciente de una ofrenda votiva en el Alto del Castro (Osma) en la que se lee Deae [...]nt[e]. Además, también está demostrada la presencia de inmigrantes uxamenses en las regiones de Astorga y León.

Siguiendo con ésta hipótesis; a saber, que hebo una migración de grupos hacia les rexones mineres del Bierzu y, al empar, un espardimientu n’elles de los cultos d'orixe de dalos inmigrantes, Olivares atribúi tamién a movimientos de población galaica la introduccción del cultu al dios Cosso (Cossue en dativu indíxena) del que en territoriu susarru afayárense hasta seyes inscripciones, colos siguientes epítetos: Cossue Tue(…)aeo Pa(…)mei / Deo Domino Cossuae Segidiaeco / Cossue Udunnaeco / Cossue Udunaeo Itilienue / Cossuae Nedoledio / Cossue Nidoiedio / Cossue Locius? Pacatianus.

Sin embargu, tan elleváu númberu d’inscripciones nun espaciu tan definíu, obligaría a camentar que se trata d'un cultu llariegu del pueblu Susarru, sobre too si se tien en cuenta, que en nenguna de les ufríes a Cosso menciónase l'origo del dedicante, como sería d'esperar si tuviéremos énte persones d’orixe foriatu, y como asina afita la epigrafía galaica en territoriu astur, ónde siempre se tien especial precuru n'especificar el pueblu y castiellu d’oríxe.

A ello habría de sumar que les formes teonímiques rexistraes nel Bierzu son más complexes (Prósper, 2002, 238) y que’l so termín de dativu ye de calter indíxena (Búa, 2003, 162-163) mientres que les galaiques son más simples o con termín de dativu llatín, lo que podríe ser ñiciu, de que las formes llioneses son anteriores desde un finxu de vista evolutivu. En fin, el problema nun reside tantu na evidencia del cultu a Cosso ente los Astures noroccidentales, como a la ausencia del mesmu cultu ente los Callaecos del este (Seurros y Lemavos).