Avena

Alcacer, Avena
Avena
Clasificación científica
Reinu: Plantae División: Magnoliophyta Clas: Liliopsida Orde: Poales Familia: Poaceae Xéneru: Avena Especie: A.Sativa
Nome binomial
Avena sativa L.,

Alcacer, Avena ye una planta de la familia de les poácees, utilizada como alimentu y como forraxe pa los animales.

En dómines xóvenes l'alcacer nun tuvo la importancia del trigu o la cebada, n'Asia Central cultivábase en bona cantidá, magar que la consideraba una mala yerba. En guetes arqueolóxiques afayaren prebes del usu de l'avena n'Europa Central na Edá de Bronce. También s'alcontraren pebides d'esti cereal n'escavaciones exipcies, magar que nun se pudo prebar que fore cultivao.

Ye una planta herbácea añal, perteneciente a la familia de les gramínees. Les especies más cultivaes son Avena sativa y Avena byzantina, nesi orde.

Ye rica en proteínes d'altu valor biolóxicu, grases y un gran númberu de vitamines, minerales. Ye'l cereal con mayor proporción de grasa vexetal, un 65% de grases non saturaes y un 35% de ácidu linoleicu. Tamién caltién hidratos de carbonu de fácil absorción, arriendes de sodiu, potasiu, calciu, fósforu, magnesiu, fierro, cobre, cinc, vitamines B1, B2, B3, B6 y E. Arriendes caltien una bona cantidá de frebes, que nun son tan importantes como nutrientes pero qu'aiden al bon funcionamientu intestinal.

Esti cereal úsase principalmente pa l'alimentación del ganáu, como plata forraxera y en menor cantidá pa alimentación humana, magar que nun se usa muncho, pesie a les sos propiedaes enerxizantes. L'alcacer ye abondo recomendáu p'aquelles persones que tienen d'aumentar la so capacidá enerxética, como los estudiantes, persones ablayaes o con muncha sensación de suañu o estrés permanente. Esto conviérte l'alcacer o avena nun alimentu mui importante pa entamar el día.

Los mayores productores d'avena son Rusia, Canadá, Estaos Xuníos, Australia, Finlandia, Alemaña, Polonia y Suecia.

Dichos, adaxos y testos de lliteratura oral

• Yá ye vieyu l’alcacer pa zamploñes.
• La concencia e d’alcacer y paciólo un burru.
• El que tenga muches tierres y les quiera echar a perder, que les siembre un añu de ñabos y otru añu d’alcacer

Fonte:DICCIONARIO GENERAL DE LA LENGUA ASTURIANA Xosé Lluis García Arias

• Wikimedia Commons tien conteníu multimedia tocante a Alcacer.

Enllaces esternos

• Etapas de crecimiento de la avena