Quercus robur

Carbayu
Estáu de caltenimientu
Cuasi amenazáu (IUCN)
Clasificación científica
Reinu:	Plantae
Subreinu:	Tracheobionta
División:	Magnoliophyta
Clas:	Magnoliopsida
Subclas:	Hamamelidae
Orde:	Fagales
Familia:	Fagaceae
Xéneru:	Quercus
Subxéneru:	Quercus
Seición:	Quercus
Especie:	Q. robur L.
Distribución
Distribución del Quercus robur
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
[editar datos en Wikidata]

El carbayu, Quercus robur L. o Quercus pedunculata Ehrh., ye un árbole rixu, recacháu, que pue soperar los 40 metros d'altor, con groma amplia, ovoide, arrondada o irregular y fueya cadoca. Tueru bigardu, curtiu y muy esgrebiu nos exemplares separtaos, les sos zapotes son esgrebies y daqué retorcíes; coriella de cullor buxu o blancucia, mui argayada y de tonalidá parda nos exemplares vieyos. Fueyes grandes, simples, n'arremangu alterno, con estípules allargaes que caen ceo; son llampiñes poles dos faces, de collor verde enceso pol fexe y más llacies, colos ñervios bien marcados, pola faz inferior; so forma ye obovada, con peciolu mui curtiu ( 2 a 7 mm), col carel fondamenti llobuláu y colos llóbulos despareyu y arrondaos, suelen medir unos 6 a 12 cm de llargo per unos 3 a 6 d'anchu.

Flores masculines en fuxones colingantes, verdes-amarielludos, que ñacen solitarios o en gurupos de brixos del añu anterior. Llandes colingantes sobro un llargu pedúnculu, aováo-oblongos, con escodillines d'escames cuasi pandes. Cuando bilten les primeres fueyes, per abril o mayu: les buzcarres picolien en setiembre y caen n'ochobre.

Distribución

Dende'l ras de la mar hasta unos 1000 m d'altor, nos suelos prefondos y frescos, prencipalmente nos raíos de cal y daqué abegosos. Precisa d'un clima abegosu, oceánicu, u acútiese pocu la seca estival y ye daqué resistente al fríu. Suel asociase en fayeros o con robreres de Quercus petraea y Quercus pyrenaica, colos que forma híbridos con facilidá.

Habita

Exemplar de carbayu

Na mayor parti Europa y n'Asia occidental. Falta nes Baleares y na Península enánchase, principalmente, peles rexones atlántiques; metá norte Portugal, Galicia, Cantabria, Asturies, Euskadi y Navarra, tamién en Cataluña; en frasca separtada tamién en delles montañes del interior y cautiváu dende abeyaná na Casa de Campo de Madrid.

Observaciones

El nome específicu escoyío por Linneo pa esta especie, robur, emplegábenlu los romanos pa apellar a los robres y a cualisquier tipu maera duro y rixo. La maera d'esti robre ye de collor pardu-llionáu, muy duro, de bubu finu, con aniellos de medra bien marcaos, abondo pesado y mui resistenti al podrecimientu, inda dientro l'agua.

El so emplegu pa les duelles de les carrales de vinu y llicores, se vien usando dende antiergu, igual que na construcción de barcos, da un bon carbón. Ye un árbole de llarga vida, pue soperar los mil años y tarda en florecer hasta 40 ó 50 años.

Seición dun tueru

Quercus robur

Subespecies

Acóyense, de cutio, tres subtribes:

• Q. robur subsp. robur, que caltriaría les poblaciones orientales, algamando per occidente fasta'l carel de Galicia.

• Q. robur subsp. broteroana Schwarz, del norti Portugal y noroesti España, colos llóbulos de les fueyes menos prefondos, fexe llustrosu y garapiellos mayores (18-23 mm).

• Q. robur subsp. estremadurensis (Schwarz) Camus, del norti y centru de Portugal, aportando al estremu occidental de Sierra Morena, con fueyes más esguilaes, llustroses pol fexe, les de primavera, de ñerviación secundaria regular, raída de ñervios intercalares.

Bibliografía

• Los árboles y arbustos de la Península Ibérica e Isllas Baleares. G. Lopez González. ISBN 84-7114-994-X

Links

• Oaks from Bialowieza Forest (biggest oak cluster with the monumental sizes in Europe {english}

• Wikimedia Commons tien conteníu multimedia tocante a Quercus robur.

• Datos: Q165145
• Multimedia: Quercus robur
• Especies: Quercus robur