Microorganismu

Un microorganismu, tamién nomao microbiu u organismu microscópicu, ye un ser vivu que sólu pue visualizase col microscopiu. La ciencia qu'estudia a los microorganismos ye la microbioloxía. «micro» del griegu μικρο (pequeñu) y «bio» del griegu βιος (vida) seres vivos pequeños.

Los microorganismos son formes de vida perpequeñes que sólu puen ser observaos al traviés del microscopiu. N'este grupu tan incluyíes les bacteries, los virus, los mofos y les llevadures. Dellos microorganismos puen causar el deterioru de los alimentos ente los que s'atopen los microorganismos patóxenos, qu'al mesmu tiempu puen ocasionar enfermedaes debio al consumu d'alimentos contaminaos. Adicionalmente, esisten dellos microorganismos patóxenos que nun causen un deterioru visible nel alimentu. Ensin embargou, por otru llau esisten tamién dellos microorganismos que son beneficiosos y que puen ser emplegaos nel procesamientu de los alimentos cola finalidá de prolongar el so tiempu de vida o de camudar les propiedaes de los mesmos (por exemplu, pa la fermentación llevada a cabo pa la ellaboración de les salchiches, el yogur y los quesos).

Son organismos dotaos d'individualidá que presenten, a diferencia de las plantes y los animales, una organización biolóxica elemental. Na so mayoría son unicelulares, anque en dellos casos se trate d'organismos cenóticos compuestos por célules multinucleades, o inclusu multicelulares.

Endientru de los microorganismos s'atopen organismos unicelulares procariotes, como les bacteries, y eucariotes, como los protozoos, una parte del ocle y los fongos, e inclusu los organismos de tamañu ultramicroscópicu, como los virus.

Los microbios tienen bayura formes y tamaños. Si un virus tuviere'l tamañu d'una pelota de tenis, una bacteria proporcionalmente cuerrespondería a media cancha de tenis y una célula eucariota sedría como un estadiu de fútbol.