Diferencies ente revisiones de «Quercus robur»

De Wikipedia
Contenido eliminado Contenido añadido
m The file Image:Quercus_robur01.jpg has been replaced by Image:Duby_nad_Pozorkou_I.jpg by administrator commons:User:Siebrand: ''Was in category "Duplicate", exact duplicate''. ''Translate me!''
Thijs!bot (alderique | contribuciones)
m robot Añadido: zh:夏栎
Llinia 106: Llinia 106:
[[sv:Ek]]
[[sv:Ek]]
[[uk:Дуб черешчатий]]
[[uk:Дуб черешчатий]]
[[zh:夏栎]]

Revisión a fecha de 04:38 12 xun 2008

Carbayu

Quercus robur
Clasificación científica
Reinu Plantae
División Magnoliophyta
Clas Magnoliopsida
Subclas Hamamelidae
Orden Fagales
Familia Fagaceae
Xéneru Quercus
Especie
Quercus robur

El carbayu, Quercus robur L. o Quercus pedunculata Ehrh., ye un árbole rixu, recacháu, que pue soperar los 40 metros d'altor, con groma amplia, ovoide, arrondada o irregular y fueya cadoca. Tueru bigardu, curtiu y muy esgrebiu nos exemplares separtaos, les sos zapotes son esgrebies y daqué retorcíes; coriella de cullor buxu o blancucia, mui argayada y de tonalidá pardiña nos exemplares vieyos. Fueyes grandes, simples, n'arremangu alterno, con estípules allargaes que caen ceu; son llampiñes poles dos faces, de cullor verdi enceso pol fexe y más llacies, colos ñervios bien marcados, pola faz inferior; so forma ye obovada, con peciolu mui curtiu ( 2 a 7 mm), col carel fondamenti llobuláu y con los llóbulos despareyu y arrondaos, suelen medir unos 6 a 12 cm de llargo per unos 3 a 6 d'anchu.

Flores masculines en fuxones colingantes, verdes-amarielludos, que ñacen solitarios o en gurupos de brixos del añu anterior. Llandes colingantes sobro un llargu pedúnculu, aováo-oblongos, con escodillines d'escames cuasi pandes. Cuando bilten les primeres fueyes, por abril o mayu: les buzcarres picolien en setiembre y caen n'ochobre.

Fuxones y cúcares


Añíciase

Dende'l ras de la mar fasta unos 1000 m d'altor, nos suelos prefondos y frescos, prencipalmente nos raíos de cal y daqué abegosos. Precisa dun clima abegosu, oceánicu, ú se acútiese pocu la seca estival y ye daqué resistente al friyu. Suel asociase en fayeros o con robreres de Quercus petraea y Quercus pyrenaica, colos que forma híbridos con facilidá.

Habita

Exemplar de carbayu

Na mayor parti Europa y n'Asia occidental. Falta nes Baleares y na Península enánchase, prencipalmente, peles rexones atlántiques; metá norti Portugal, Galicia, Cantabria, Asturies, Euskadi y Navarra, tamién en Cataluña; en frasca separtada tamién en delles montañes del interior y cautiváu dende abeyaná na Casa de Campo de Madrid.


Observaciones

El nome específicu escoyío por Linneo pa esta especie, robur, emplegábenlu los romanos pa apellar a los robres y a cualisquier tipu maera dura y rixa. La maera d'esti robre ye de cullor pardu-llïonáu, muy dura, de bubu finu, con aniellos de medra bien marcaos, abondo pesada y mui resistenti al podrecimientu, inda dientro l'augua.

El so emplegu pa les duelles de les carrales de vinu y llicores, se vien usando dende antiergu, igual que na construcción de barcos, da un bon carbón. Ye un árbole de llarga vida, pue soperar los mil años y tarda en florecer fasta 40 ó 50 años.

Seición dun tueru

Subtribes

Acóyense, de cutio, tres subtribes:

  • Q. robur subsp. robur, que caltriaría les poblaciones orientales, algamando per occidente fasta'l carel de Galicia.
  • Q. robur subsp. broteroana Schwarz, del norti Portugal y noroesti España, colos llóbulos de les fueyes menos prefondos, fexe llustrosu y garapiellos mayores (18-23 mm).
  • Q. robur subsp. estremadurensis (Schwarz) Camus, del norti y centru de Portugal, aportando al estremu occidental de Sierra Morena, con fueyes más esguilaes, llustroses pol fexe, les de primavera, de ñerviación secundaria regular, raída de ñervios intercalares.



Bibliografía

  • Los árboles y arbustos de la Península Ibérica e Islas Baleares. G. Lopez González. ISBN 84-7114-994-X

Links