Deep Purple

Deep Purple ye un grupu británicu de Rock formáu en Hertford, Inglaterra en 1968, que ta consideráu como una de les bandes pioneres del Hard rock y el Heavy metal, anque mientres la so carrera tamién incorporó elementos del Rock sinfónicu, Rock sicodélicu, Blues rock y de la Música clásica. El grupu vendió más de 120 millones de discos en tol mundu.

Historia

La banda empezó faciendo Rock sicodélicu en 1968, cola formación qu'incluyía a los 5 miembros orixinales: Jon Lord (órgano Hammond), Ritchie Blackmore (guitarres), Ian Paice (batería), Rod Evans (voz) y Nick Simper (baxu). Esta alliniación, denominada "Mark I" grabó 3 LP ente 1968-1969, añu en que Simper y Evans son sustituyíos pol cantante Ian Gillan y el baxista Roger Glover respeutivamente, dando entamu al llamáu "Mark II".

Un conciertu realizáu nel Rainbow Theatre, de Londres, en xunetu de 1972, fixo que fueren rexistraos como "la banda más ruidosa del planeta" nos años 70's, pol Llibru Guinness de los Récores. La banda sufrió múltiples cambeos na so alliniación a lo llargo de les décades, anque permaneció inactiva dende xunetu de 1976 hasta la so xunta, n'abril de 1984. Ente 1973 y 1976, David Coverdale (voz), y Glenn Hughes (baxu y voz), suplantaron a Gillan y Glover respeutivamente, miembros que habíense retiráu del grupu por diferencies musicales; per otra parte, Tommy Bolin reemplazó al guitarrista Ritchie Blackmore ente 1975-1976, cuando ésti foise pa formar el so proyeutu musical Ritchie Blackmore's Rainbow.

Los sos cuatro primeres alliniaciones son de cutiu etiquetaes como "Mark I", "II", "III" y "IV". La "Mark II", formada por Ian Gillan (voz), Ritchie Blackmore (guitarra), Jon Lord (teclaos), Ian Paice (batería) y Roger Glover (baxu), ye considerada l'alliniación más esitosa, y la que mayores vientes collechó, gracies a discos clásicos como In Rock (1970), Machine Head (1972) y el direutu Made in Japan (1972), formación que caltúvose n'activu dende 1969 a 1973, de 1984 a 1989, y nuevamente de 1992 a 1993, cuando la rellación ente Blackmore y el restu de los músicos volvióse insostenible. La so alliniación actual, que cunta con Steve Morse en llugar de Blackmore, y con Don Airey en llugar del fináu Jon Lord, lleva n'activu dende 2002.

Discografía

Álbumes n'estudiu

• Shades of Deep Purple (1968)
• The Book of Taliesyn (1968)
• Deep Purple (1969)
• In Rock (1970)
• Fireball (1971)
• Machine Head (1972)
• Who Do We Think We Are (1973)
• Burn (1974)
• Stormbringer (1974)
• Come Taste the Band (1975)
• Perfect Strangers (1984)
• The House of Blue Light (1987)
• Slaves & Masters (1990)
• The Battle Rages On... (1993)
• Purpendicular (1996)
• Abandon (1998)
• Bananas (2003)
• Rapture of the Deep (2005)
• Now What?! (2013)

Deep Purple en 2004, d'izquierda a derecha: Roger Glover, Ian Paice, Ian Gillan, Don Airey & Steve Morse

Álbumes en direutu

• Concerto for Group and Orchestra (1969)
• Made in Japan (1972)
• Made in Europe (1976)
• Last Concert in Japan (1977)
• Deep Purple in Concert (1980)
• Live in London (1982)
• Nobody's Perfect (1988)
• Come Hell or High Water (1994)
• Live at the Olympia 96 (1997)
• In Concert with the London Symphony Orchestra (1999)

Miembros

Formación actual

• Ian Gillan (voz)
• Steve Morse (guitarra)
• Roger Glover (baxu)
• Don Airey (teclaos)
• Ian Paice (batería)

Antiguos miembros

• Jon Lord † (órgano Hammond, teclaos, sintetizadores)
• Ritchie Blackmore (guitarra)
• Rod Evans (voz)
• Nick Simper (baxu)
• Glenn Hughes (baxu, voz)
• David Coverdale (voz)
• Tommy Bolin † (guitarra)
• Joe Lynn Turner (voz)
• Joe Satriani (guitarra)

Referencies

• Sitiu oficial
• Discografía
• Parcialmente traducíu de Wikipedia n'español

Enllaces esternos

• Wikimedia Commons acueye conteníu multimedia sobre Deep Purple .