Capricorniu

Capricorniu
Abreviatura	Cap
Símbolu
Significáu	El mueyu, la cabra
Xenitivu	Capricorni
Ascensión reuta	21 h
Declinación	-20°
Visible pa llatitúes	Ente+60° y -90°
Meyor visible en/n'	Setiembre
Númberu d'estrelles con magnitú aparente < 3	1
Estrella más rellumante  - Magnitú aparente	δ Cap (Deneb Algedi) 3,0
Lluvia de meteoritos	Alpha Capricornids Chi Capricornids Sigma Capricornids Tau Capricornids Capricorniden-Sagittariids
Constelaciones que llenden	Acuariu Aquila Saxitariu Microscopium Piscis Austrinus

Capricorniu ye una de les constelaciones del zodiacu.

Mitoloxía

Capricorniu representa a Amaltea metá cabra, metá pexe, que curió y alimentó a Zeus cuando ésti yera pequeñu. Confió-ylu Rea pa que lu protexese de so pá Cronos.

Según dalgunos yera una ninfa de l'Arcadia, pa otros una ninfa en forma de cabra. Amaltea y la so fía Adrastea, criáronlu con miel y lleche. Xorrecíen-y unos cuernos descomanaos qu'arramaben nectar y ambrosía, y cuando ún d'ellos frañó, llarárenlu de frutes pa ufrí-ylu a Zeus. Ye l'afamada Cuerna d'Amaltea, símbolu de bayura y dicha. Dende esti socesu, Zeus allugóla nuna de les constelaciones del cielu.

Otra versión del mitu de Capricorniu diz que Pan (Dionisiu), dios de los cazadores y pastores yera escorríu pola serpiente Tifón, y pa escapar arrebexose al ríu Nilu, convirtiéndose en pexe-cabra pela parte d'atrás y en mueyu na otra. Zeus almiró esta engatada y xubiólu a los cielos.

Observación

• Alfa Cap. Binaria óptica d'estrelles mariella y naranxa.

• Beta Cap. Binaria visual de colores azul y mariellu.

• Tau Cap. Binaria visual.

• M75 (NGC 6864). AR: 20h 06m 06.0s Dec: -21°55'00" (Añu 2000). A 7º al suroeste de beta Cap. Cúmulu globular ricu de magnitud 8 visible con binoculares. Alcuéntrase a 60.000 años lluz del sol.

• M30 (NGC 7099). AR: 21h 40m 24.0s Dec: -23°11'00" (Añu 2000). Cúmulu globular más prominente de la constelación, afáyase a 4º al sureste de Zeta Cap. Allúgase a 26.000 años luz del sol.