Borrina

Borrina

La borrina o nublu, nun ye más qu'una ñube baxa allugada cerca la superficie de la tierra, y compuesta de pequeñes gotes d'agua en suspensión. Ye ún de los fenómenos que más afeuta a la movilidá.

Falamos de borrina cuando esta ñube ta formada pola mor d'una presión atmosférica relativamente alta, con mugor ambiental y ensin vientu. Estos tres fautores faen que l'apaición y persistencia de la borrina seya más acusao n'estayes planes y fondes. Estos llugares tan davezu ocupaos por ríos y banzaos que proporcionen el mugor afayaízu pa la so formación. Dase en toes les estaciones del añu, pero sobro too, n'iviernu.

Los principales efeutos de la borrina son:

• Estabiliza la temperatura ambiente en niveles baxos, inclusu per baxo los 0ºC.

• Dificulta el columbramientu d'oxetos, amenorgando la visión a ocho o diez metros, y menos dalgunes vegaes.

• Incrementa los efeutos negativos de la contaminación atmosférica, pola entreseca de ventilación.

• Aumenta enforma la sensación de cutu.