Ritual

Danza tribal Omaha

Un ritual ye un conxuntu d'aiciones, davezu pensaes pa tener un valor simbólicu, y la so puesta n'escena ye davezu preescrita por una relixón o poles tradiciones d'una comunidá, davezu debio de la so mayor eficacia

Un ritual faese endientru de periodos regulares, o n'ocasiones específiques, o a vegades a discreción d'individuos o comunidaes. Pue realizase individualmente, en grupu o por tola comunidá; en sitios arbitrarios o en llugares específicamente reservaos pa ello; y al mesmu tiempu puen ser pa xente específico o non (públicos o provaos). Un ritual pue tar restrinxíu a una estaya concreta de la sociedá, y pue significar el pasu d'un individuu o más d'una estaya a otra nel ámbetu relixosu o social.

El propósitu de los rituales ve variao; inclúin rellación con obligaciones o idegales relixosos, satisfacción de les necesidaes espirituales o emocionales de los prauticantes, puen guetar facer más fuertes los llazos sociales, manifertas respitu o sumisión, afitar una afiliación, obtener aceutación social o aprebamientu pa dalgún eventu, o a vegaes sólo pol placer del ritual en sí mesmu.

Los rituales son daqué estendío cuasi a toles sociedaes humanes, pasaes o presentes. Inclúin nun sólo ritos d'adoración, sacramentos y cultos de relixones organizaes, sino tamién ritos de pasu de delles sociedaes, xuramentos d'obediencia, coronaciones, ya inauguraciones presidenciales, casamientos y funerales, tradiciones escolares y graduaciones, aconceyamientos de clubes, eventos deportivos, festexos de Halloween, pasucais de veteranos, compres de Navidá y más. Munches actividaes que son ostensiblemente llevaes a cabu por propósitos concretos como los xuicios, execuciones de criminales, etc., son cargaos con a esgaya d'aiciones simbóliques preescribies y regulaes. Aínda aiciones comunes como dar la man o dicir hola son rituales.