Diferencies ente revisiones de «Pilar Varela Díaz»
m Pilar Varela treslladáu a Pilar Varela Díaz sobre una redireición |
Sin resumen de edición |
||
Llinia 2: | Llinia 2: | ||
{| border=1 align=right cellpadding=4 cellspacing=0 width=250 style="margin: 0.5em 0 1em 1em; background: #f9f9f9; border: 1px #aaaaaa solid; border-collapse: collapse; font-size: 95%; clear:right" |
{| border=1 align=right cellpadding=4 cellspacing=0 width=250 style="margin: 0.5em 0 1em 1em; background: #f9f9f9; border: 1px #aaaaaa solid; border-collapse: collapse; font-size: 95%; clear:right" |
||
|+<big>'''Pilar Varela'''</big> |
|+<big>'''Pilar Varela Díaz'''</big> |
||
|- |
|- |
||
| align=center colspan="2" | |
| align=center colspan="2" | |
||
{| style="background:#f9f9f9;" border="0" cellpadding="2" cellspacing="0" |
{| style="background:#f9f9f9;" border="0" cellpadding="2" cellspacing="0" |
||
|- align=center |
|- align=center |
||
| [[Imaxen:Pilarvarela.jpg|200px|Pilar Varela]] |
| [[Imaxen:Pilarvarela.jpg|200px|Pilar Varela Díaz]] |
||
|} |
|} |
||
|- |
|- |
Revisión a fecha de 12:37 7 xin 2008
Pilar Varela Díaz nacida n'Avilés l'añu 1960 ye l'Alcaldesa d'Avilés dende'l 2007.
| ||
Orde: | 5u de la democracia | |
Mandatu: | Xunu de 2007 – nel cargu | |
Predecesor: | Santiago Rodríguez Vega | |
Socesor: | En funciones | |
Nació'l: | 25 de febreru de 1960 | |
Nació en: | Llaranes, Avilés | |
Profesión: | - | |
Partíu políticu: | PSOE |
Biografía
Pilar Varela nació'l 25 de febreru de 1960 en Llaranes Vieyu (Avilés). Ye diplomada en Maxisteriu y Llicenciada en Pedagoxía pola Universidá d'Uviéu. Afilióse al PSOE en 1997. Ente 1981 y 1987 asumió estremaes responsabilidaes na "Juventud Obrera Cristiana de España" (JOCE) n'Asturies y Cantabria, organización moza de la que foi presidenta estatal ente 1984 y 1987.
Ente 1987 y 1992 desendolcó estremaes xeres pa la Comisión Europea en relación con iniciatives y programes de emplegu pa xovenes. Foi direutora de Formación en Ciudá Industrial Valle del Nalón (1992-1999). Nel añu 1999 forma parte de la candidatura local cola que'l PSOE algama l'Alcaldía d'Avilés.
Nel periodu 1999-2003 ye conceyala de Facienda y de Polítiques Actives d'Emplegu y nel periodu 2003-2007 Conceyala de Facienda y Promoción Económica. Arriendes d'esta responsabilidá ye miembro de la Comisión Executiva de la Fundación del Metal d'Asturies.
Tres los comicios elleutorales del 27 de mayu, conviertese na candidata más votada, ganando les elleiciones y enantando'l númberu de conceyales del PSOE, convirtiéndose asina na primer alcaldesa d'Avilés socediendo nel cargu al tamién socialista Santiago Rodríguez Vega.
Los sos oríxenes
A mediaos de los 50 del pasáu sieglu XX, miles de trabayadores procedentes d'otres rexones del estáu treslladense a vivir y a trabayar a Avilés a a gueta d'una vida más bayurosa nuna España prieta y probe, na qu'a la falta de llibertaes polítiques y cíviques se-y xuntaba la ruina económica d'un estáu emprobecíu.
Los sos padres treslladáronse a Avilés, concretamente nel añu 1955, dende'l pueblu gallegu de Taboada, na provincia de Lugo. El so pá vieno a trabayar primeru nes empreses auxiliares que construyeron Ensidesa, y depués pola so cuenta como autónomu.
Pilar Varela vivió nel barriu de Llaranes fasta los seis años, cuando treslladóse a Villalegre, motivu pol que cursó los sos estudios primarios na Escuela de Neñes de Doña Luz nel Altu Vidrieru, pa darréu facer el bachilleratu nel Institutu de La Luz.
Foi nesos años del bachilleratu cuando tomó conciencia de la realidá social y política que la arrodiaba y quixo comprometese pa camudar la realidá social carauterizada pola falta de llibertaes, de drechos sociales de los trabayadores, d'espeutatives d'una vida meyor para los mozos y de les carencies de los barrios obreros.
La universidá
En 1978 entamó estudios de Maxisteriu na Universidá d'Uviéu que completó llueu cola Llicenciatura en Pedagoxía. Demientres esa etapa universitaria, foi elexida en 1982 p'asumir la direición de la JOC pa la zona d'Asturies y Cantabria y en 1984 Presidenta de la JOC d'España, polo que se tresllada a vivir a Madrid pa formar parte del equipu estatal, asumiendo la direición de les rellaciones de la JOC d'España cola JOC europea y internacional. Nesti tiempu, la JOC ye llegalizada pol Ministeriu del Interior español como una organización autónoma, frañiendo con ello la so venceya xurídica cola xerarquía de la Ilesia católica.
Trabayu cola mocedá
En Madrid, xunto a otros xovenes economistes, abogaos, pedagogos y sociólogos creó en 1988 la "Cooperativa Proempleo de Madrid" de la que formó parte como socia trabayadora, y dende esa Cooperativa punxo en furrulamientu dellos programes d'emplegu empobinaos a la mocedá. Crearon cooperatives agroalimentaries, proyeutos d'autoconstrucción de viviendes o la creación d'empreses d'inxerción llaboral de mozos. Amás, ocupóse tamién d'afalar una iniciativa pionera pa facilitar l'accesu a la vivienda, al traviés de la que se xestiona l'alloguer de cientos de viviendes.
Toes estes esperiencies novedoses nel campu de les polítiques actives llevó-y a Pilar a participar ente los años 1989 y 1990 nun grupu d'espertos de los doce países qu'entós formáben parte de la Comunidá Europea pa proponer esperiencies y programes pilotos de formación y emplegu pa la mocedá, propuestes que tornaronse nestos años en programes y iniciatives europees como los programes Equal, Horizont, etc.
El regresu a Avilés
En 1992, Pilar Varela regresó a Asturias y a Avilés u tenién ofrecíu participar na gestión de lo que güei ye Valnalón, el polígonu de les antigües instalaciones siderúrxiques de La Felguera. Punxo en marcha un centru d'empreses, un centru de formación profesional, una escuela d'hostelería, y otres actuaciones empobinaes a afalar la cultura emprendedora, dende la formación d'emprendedores fasta la creación del "semilleru d'empreses".
Involucróse tamién nes actividaes a favor de la igualdá de xéneru con "Mujeres Progresistas", onde intensificó la so rellación con militantes socialites. Esti fechu uníu al momentu políticu que se vivía n'Avilés y n'Asturies con gobiernos conservadores llevó-y a comprometese políticamente col PSOE.
Llabor como conceyala
Foi Santiago Rodríguez Vega (PSOE), anterior alcalde d'Avilés, quien ufrió a Pilar participar na candidatura cola que'l PSOE volvió ganar l'Alcaldía d'Avilés en 1999, con un proyeutu de tresformación y modernización d'Avilés, nel que participó activamente demientres estos últimos años; dos llexislatures como conceyala de Facienda y de Polítiques Actives d'Emplegu, y na anterior faciéndose cargu, amás, de les polítiques de desendolque turísticu, comerciu y feries, trés aspeutos qu'inciden, tamién , nel desendolque económicu de la ciudá.
Pilar Varela ye la primer alcaldesa de la historia d'Avilés.
Predecesor: Santiago Rodríguez Vega |
Alcaldesa d'Avilés 2007 - anguaño |
Socesor: Nel cargu |
Ver tamién
Enllaces Esternos
- PSOE Avilés, Páxina del PSOE d'Avilés, con información sobre Pilar Varela.