Mataram

Mataram
Alministración
País	Indonesia
Provincia	[[Islles menores de la Sonda occidentales|{{{2}}}
Tipu d'entidá	city of Indonesia (en)
División	ver Ampenan (en) , Sekarbela (en) , Mataram (en) , Cakranegara (en) , Sandubaya (en) y Selaprang (en)
Xeografía
Coordenaes	8°35′S 116°07′E
Superficie	61,30 km²
Llenda con	Lombok Occidental (es)
Altitú media	24 m
Demografía
Población	402 296 hab.
Densidá	6.600 hab/km²
Más información
Fundación	31 agostu 1993
mataramkota.go.id

Mataram ye la ciudá más importante de la islla de Lombok, n'Indonesia, y ta asitiada na mariña oeste de la islla. Ye la capital y ciudá más grande de la provincia de Nusatenggara Occidental (n'indonesiu: Nusa Tenggara Barat), y tien l'estatutu de kota. La so población total yera de 402.296 habitantes en 2008.

Organización de la ciudá

Cuatro ciudad constitúin la área urbana de Mataram: d'oeste a este, éstes son Ampenan, Mataram, Cakranegara (Cakra) y Sweta. Toes tán xuníes alministrativamente y nun s'estremen les unes de les otres.

• Ampenan ye'l puertu vieyu, anguaño dedicáu a la pesca. D'antiguo yera'l puertu principal de la islla de Lombok, polo que s'atopen ellí cases antigües y una población entemecida d'orixe china, árabe y malaya. El muséu Negeri Nusa Tenggara ufierta un panorama de la cultura de Lombok.
• Mataram ye'l centru alministrativu de la provincia, onde se concentren edificios públicos y cases residenciales. La so plaza principal sirve pa esposiciones d'arte, teatru, baille y representaciones de wayang kulit (teatru de títeres).
• Cakranegara ye'l principal centru comercial de la islla, onde viven importantes comunidaes chines y balinesas. Ellí atópase'l templu Meru, construyíu en 1720 pa los habitantes hindús de Lombok. Ye'l templu más grande de la islla.
• Sweta ye un nexu de tresportes pa tola islla.

Mataram ta estremada en 6 distritos alministrativos o kecamatam: Cakranegara, Mataram, Selaparang, Pejanggik, Ampenan y Sekarbela.

Demografía

Al igual qu'en tola islla de Lombok, la mayoría de los habitantes de Mataram son d'etnia sasak que ye'l pueblu autóctonu de la islla. La ciudá tien tamién importantes minoríes de balineses, chinus, chinos d'Indonesia y árabes d'Indonesia descendientes de yemeninos.

Tresportes

Mataram yá nun tien aeropuertu nes sos llendes. L'antiguu aeropuertu Selaparang, asitiáu en Ampenan, cerró'l 30 de setiembre de 2011. A otru día, el 1 d'ochobre de 2011, entró en serviciu'l nuevu aeropuertu internacional de Lombok (Bandara Internasional Lombok) (IATA: LOP, ICAO: WADL), más alloñáu de la zona urbano y asitiao nel kabupaten de Lombok Central, cerca de la pequeña ciudá de Praya.