Anfóteru

Un anfóteru ye, en química, una sustancia que ye pa reaccionar como ácidu o como base (más xeneralmente la pallabra describe daqué fecho de o qu'actúa como dos componentes).

Exemplos de sustancies anfóteres son los aminoácidos, les proteínes y l'agua. Bien de metales, como'l cinc, estañu, plomu, aluminiu y beriliu, tienen óxidos anfóteros.

Exemplos

Óxidu de cinc

L'óxidu de cinc (ZnO) reacciona distinto según el pH de la solución:

N'ácidos: ZnO + 2H⁺ → Zn²⁺ + H₂O

En bases: ZnO + H₂O + 2OH^- → [Zn(OH)₄]^2-

Esti efeutu pue ser usáu pa separtar distintos cationes, como'l cinc del manganesu.

Agua

Ácidu: H₂O + HCl → H₃O⁺ + Cl⁻

Base: H₂O + NH₃ → NH₄⁺ + OH⁻

En realidá pue ser les dos coses al empar: 2H₂O → H₃O⁺ + OH⁻

Hidróxidu d'aluminiu

Ácidu: Al(OH)₃ + 3HCl → AlCl₃ + 3H₂O

Base: Al(OH)₃ + NaOH → NaAl(OH)₄

Ver tamién

• Anfipróticu