Diferencies ente revisiones de «Unidá»
Sin resumen de edición |
|||
| Llinia 18: | Llinia 18: | ||
Esti puxu internu fizo que tanto nel casu d'IAS como d'AA internamente s'algamare un alcuerdu elleutoral entrambes organizaciones que xunto con [[Los Verdes-Grupu Verde]], supunxo la coalición UNIDÁ. |
Esti puxu internu fizo que tanto nel casu d'IAS como d'AA internamente s'algamare un alcuerdu elleutoral entrambes organizaciones que xunto con [[Los Verdes-Grupu Verde]], supunxo la coalición UNIDÁ. |
||
=== |
===Procesu de fechura=== |
||
Dende IAS el fechu de dir de la mano d'AA nes elleiciones nacionales y de conceyos de 2006 nun foi cenciellu. Como en tolos partíos hebio un seutor pautista y otru conservador, a lo cabero la demanda social y política qu'esixía la sociedá asturiana, que quería un partiu nacionaliegu d'esquierdes y ecoloxista fuerte decantó la balanza pal llau pautista. |
Dende IAS el fechu de dir de la mano d'AA nes elleiciones nacionales y de conceyos de 2006 nun foi cenciellu. Como en tolos partíos hebio un seutor pautista y otru conservador, a lo cabero la demanda social y política qu'esixía la sociedá asturiana, que quería un partiu nacionaliegu d'esquierdes y ecoloxista fuerte decantó la balanza pal llau pautista. |
||
| Llinia 26: | Llinia 26: | ||
Pela so parte'l grupu minoritariu conservador d'AA, punxo'l so enfotu en remanar el nome de l'agrupación política. Anguaño esti asuntu ta nos tribunales a la espera d'una decisión firme sobre la propiedá del nome yá que'l seutor mayoritariu inxertu n'Unidá afirma que s'emplegaron artimañes illegales, como la falsificación d'actes o la invención de Conceyos Nacionales. |
Pela so parte'l grupu minoritariu conservador d'AA, punxo'l so enfotu en remanar el nome de l'agrupación política. Anguaño esti asuntu ta nos tribunales a la espera d'una decisión firme sobre la propiedá del nome yá que'l seutor mayoritariu inxertu n'Unidá afirma que s'emplegaron artimañes illegales, como la falsificación d'actes o la invención de Conceyos Nacionales. |
||
=== |
===Dempues de les elleiciones de 2007=== |
||
Tres los resultaos obteníos nes elleiciones autonómiques y de conceyu de 2007, la coalición elleutoral pasa ser una federación de partios onde s'alcuentren IAS, Asturianistes, Andecha Carreño, Andecha Corvera y la militancia viniente d'Andecha Astur. |
Tres los resultaos obteníos nes elleiciones autonómiques y de conceyu de 2007, la coalición elleutoral pasa ser una federación de partios onde s'alcuentren IAS, Asturianistes, Andecha Carreño, Andecha Corvera y la militancia viniente d'Andecha Astur. |
||
Revisión a fecha de 14:50 12 pay 2007
Unidá ye una federación de partíos formada por Izquierda Asturiana, Asturianistes, militantes vinientes d'Andecha Astur y polos partíos locales Andecha por Carreño, Andecha por Corvera y Asturianistes por Nava, amás ta perfaciendo una riestra de formaciones locales yá col nome d'Unidá como Unidá-Avilés o Unidá-Xixón.
Esta organización ye de calter nacionalista asturiana, d'esquierda y ecoloxista, pa les elleiciones autonómiques y municipales de mayu de 2007 presentose como coalición con otru partíu más Los Verdes-Grupu Verde qu'abandonaría la formación meses depues.
La coalición constitúiase definitvamente n'abril de 2007. Nel mesmu mes presentaren oficialmente al so candidatu a la Xunta Xeneral, el reconocíu escritor y mélicu psiquiatra Ignaciu Llope. Asinamesmo, marquen les llinies xenerales del so alcuerdu programáticu, qu'incluyíen la defensa de la llingua, cultura ya identidá asturiana; la llucha escontra la crisis económico y llaboral que carez Asturies, asina como la corrupción a dellos niveles y los atentaos ecolóxicos que creyen qu'entama'l gobiernu actual; y, en xeneral, la implantación d'un nuevu modelu de desendolcu territorial, a partir d'un Estatutu d'Autonomía nuevu que suponga un enanche curioso en comparanza col actual, y que consideren imprescindible, amás d'un apueste por una opción que dea continuidá a una unidá que creyen que'l nacionalismu asturianu d'esquierda necesitaba dende va años.
Los sos resultaos nes elleiciones municipales y autonómiques de 2007 foron modestos: 4.119 votos (0,7%)[1] siendo asina los meyores resultaos algamaos nunca por una formación nacionalista asturiana. D'otra miente, nes elleiciones municipales, la coalición, gracies a les sos agrupaciones locales, obtuvo cuatro conceyales: dos en Nava (Asturianistes por Nava), ún en Carreño (Andecha por Carreño) y otru en Piloña (IAS-Asturianistes), onde un pauto de gobiernu otorgó amás a la formación trés conceyalíes y la tenencia d'alcaldía. Estos tamién son los meyores resultaos algamaos nesti ámbitu por una opción política d'esti calter.
Hestoria
La federación de partios UNIDÁ ye'l resultáu d'ún de los preseos que taba guetando un ampliu seutor del nacionalismu asturianu. Dende la creyación d'Andecha Astur y un añu dempues Izquierda Asturiana (IAS), dambes formaciones polítiques taben lluchando por un mesmu espaciu politicu.
Pela so parte IAS, intenta enanchar el so campu d'aición al xuntase con Izquierda Nacionaliega d'Asturies (INA) y el PCPE, nun bloque nueu nomáu Bloque de la Izquierda Asturiana (BIA) que nun finó de cuayar polos probetayos resultaos algamaos nes elleiciones que se presentaren y al naguar una parte del mesmu encabezada por Rafa Palacios por xuntase con Izquierda Xunida (IX) no qu'a la postre sedría'l Bloque por Asturies.
Dambes organizaciones polítiques (AA y IAS) teníen na so militancia un seutor que puxaba pola xuntanza de les dos organizaciones que de mano yera aínda ermu, pero que col pasu del tiempu foi faciendose mayoritariu.
Esti puxu internu fizo que tanto nel casu d'IAS como d'AA internamente s'algamare un alcuerdu elleutoral entrambes organizaciones que xunto con Los Verdes-Grupu Verde, supunxo la coalición UNIDÁ.
Procesu de fechura
Dende IAS el fechu de dir de la mano d'AA nes elleiciones nacionales y de conceyos de 2006 nun foi cenciellu. Como en tolos partíos hebio un seutor pautista y otru conservador, a lo cabero la demanda social y política qu'esixía la sociedá asturiana, que quería un partiu nacionaliegu d'esquierdes y ecoloxista fuerte decantó la balanza pal llau pautista.
Dende AA, anque los más de la militancia puxaba nel mesmu sen de pautar, amás d'algamar esi alcuerdu nos muérganos de decisión internos, un seutor minoritariu, encabezáu pola anterior Xunta Executiva d'AA, torgó la posibilidá d'esta xuntanza por creyer qu'Andecha Astur tendría de ser el referente nacionaliego y cualesquier otru proyeutu tendría dir de la mano del suyu particular. Esta opción nun cuayó dientro la mayor parte la militancia d'AA y decidiose pautar con IAS, p'algamar l'oxetivu cabero; UNIDÁ. Díes dempues xuntáronse Los Verdes-Grupu Verde a la coalición elleutoral.
Pela so parte'l grupu minoritariu conservador d'AA, punxo'l so enfotu en remanar el nome de l'agrupación política. Anguaño esti asuntu ta nos tribunales a la espera d'una decisión firme sobre la propiedá del nome yá que'l seutor mayoritariu inxertu n'Unidá afirma que s'emplegaron artimañes illegales, como la falsificación d'actes o la invención de Conceyos Nacionales.
Dempues de les elleiciones de 2007
Tres los resultaos obteníos nes elleiciones autonómiques y de conceyu de 2007, la coalición elleutoral pasa ser una federación de partios onde s'alcuentren IAS, Asturianistes, Andecha Carreño, Andecha Corvera y la militancia viniente d'Andecha Astur.