Catherine Lepère

Catherine Lepère (1601-1679) foi una partera francesa. Foi acomuñada de La Voisin y una de los acusaos nel conocíu como asuntu de los venenos.

Biografía

Lepère yera una partera qu'exerció la práctica d'albuertos a veceros encamentaos por La Voisin, a quien apurriera los sos propios fíos.

Foi arrestada en 1678, al igual que munchos otros asociaos de La Voisin, en siendo señalada por Marie Bosse. Lepère almitió practicar albuertos, illegales entós daquella, argumentando que gracies a la so actividá evitara munchos escándalos ente les clases altes, afirmando amás que con ello fixera un serviciu a la comunidá. Lepère recibía a los sos veceros por aciu de La Voisin, quien a cambéu llograba la mayor parte de los beneficios. Marie Bosse afirmó que los fetos que fueren oxetu d'albuertu n'embaranzos de xestación avanzada fueren quemaos nun fornu en casa de La Voisin, siendo los restos soterraos darréu nel xardín. Sicasí, por cuenta de que Luis XIV dio la orde de que la práctica d'albuertos de La Voisin nun fora investigada, esta parte del so negociu resulta desconocida, nun pudiendo probase les afirmaciones arramaes por Marie Bosse al nun ser investigaes.

Lepère foi condergada a muerte el 11 d'agostu de 1679. Foi sentenciada tamién a ser torturada, magar por cuenta de la so avanzada edá, namá foi suxetada al dispositivu de tortura ensin qu'ésti aportara a utilizáu, pos esistía'l riesgu de que pudiera morrer mientres yera torturada. Foi executada na forca.

Bibliografía

• Anne Somerset - The Affair of the Poisons: Murder, Infanticide, and Satanism at the Court of Louis XIV (St. Martin's Press (12 d'ochobre de 2003) ISBN 0-312-33017-0).
• Holly Tucker (2017) - City of Light, City of Poison: Murder, Magic, and the First Police Chief of Paris. W. W. Norton & Company.

• Datos: Q4961804