Grupu social

Un grupu social ye un sistema social formáu por un conxuntu de individuus que desempeñen un rol social dientro d'una sociedá.

Esti conxuntu puede ser fácilmente identificáu, tien forma estructurada y ye duraderu. Les persones dientro d'él actúen acordies con unes mesmes normas, valores y oxetivos alcordaos y necesarios pal bien común del grupu y la persecución de los sos fines. Puede definise a partir d'una serie de variables mensurables nel nivel económicu, llaboral, educativu, etc.

Pa la identificación d'un grupu social ye necesaria una distintiva identidá común o pertenencia, que puede manifestase nuna cultura asemeyada, y non necesariamente na semeyanza nel nivel económicu. Los miembros d'un grupu social interactúan pa un proyectu común o formando un subgrupu discordante, que finalmente adquier un calter de controlador. La potencialidá d'un grupu social ye robusta tantu al formar la trama de la sociedá como na so negación (partíu opositor nel Parlamentu, subgrupu na aula). Los líderes formales o informales son el puntu fuerte de la trama d'interacciones nun grupu social.

Cuando la adscripción a determináu grupu social ta fuertemente determinada por criterios económicos, el grupu social de los individuos suelse denominar clase social, y ta fuertemente influyida pola clase de la familia en que naz l'individuu.

El grupu ye un conceutu de delimitación complicada. Pa entender la palabra “grupu” nes ciencies sociales, tien d'usase matizada por dalgún axetivu o apaecer dientro d'un contestu preciso y concreto, pos, na práctica, ye un términu aplicáu a realidaes distintes.

Vease tamién

• Grupu humanu
• Grupu étnicu
• Casta
• Estamentu
• Clase social
• Estratificación social
• Xerarquía social
• Rede social

Referencies

Bibliografía

• Turner, J. C. (1982). "Towards a cognitive redefinition of the social group". In Tajfel, H. Social identity and intergroup relations (Cambridge, UK: Cambridge University Press): 15–40. BRC