Premios Princesa d'Asturies

Entrada a la entrega de los Premios nel Teatru Campoamor (edición 2005)

Los Premios Princesa d'Asturies, (hasta 2014 Premios Príncipe d'Asturies) nacen en 1981, convocaos pola Fundación Príncipe d'Asturies, y entréguense añalmente n'Uviéu, capital del Principáu d'Asturies. Son un eventu académicu de primer orde non sólo pola categoría de los premiaos sinón pola composición de los xuraos.

El 23 d'ochobre de 2015 una delegación de Wikipedia recoyó'l Premiu Princesa d'Asturies a la Cooperación nel Teatru Campoamor de la ciudá d'Uviéu.

Los premiaos puen ser persones individuales, instituciones o grupos de trabayu de tol mundu, que destacaren na so trayeutoria en dalguna de les ocho categoríes que vienen darréu:

• Artes
• Deportes
• Ciencies Sociales
• Comunicación y Humanidaes
• Concordia
• Cooperación Internacional
• Investigación Científica y Teúnica
• Lletres

Les deliberaciones de los distintos xuraos (ún por cada premiu) empecipien nel mes de mayu y se allárguense hasta'l mes de setiembre, cuando suel fallar el Premiu de los Deportes. Les reuniones de los xuraos tienen llugar a lo llargo de dos díes nel Hotel de la Reconquista, allugáu nel mesmu centru de la capital asturiana. El segundu día de deliberaciones el presidente del xuráu fai públicu'l fallu.

Los premios entréguense nel Teatru Campoamor nuna ceremonia presidida pol Príncipe Felipe (y dende 2004 tamién pola Princesa Doña Letizia). Nel añu 2005 los Premios Príncipe de Asturias celebraron les bodes de plata.

Enllaces esternos

• (castellán) Fundación Príncipe d'Asturies