Diferencies ente revisiones de «Viga d'equilibriu»

De Wikipedia
m Robó: convirtiendo/iguando HTML
m YoaR treslladó la páxina "Viga d\'equilibriu" a "Viga d'equilibriu"
(Nun hai diferencies)

Revisión a fecha de 11:20 5 may 2018

Daniela Silivaș na viga d'equilibriu mientres el Campeonatu Mundial de Ximnasia Artística de 1987.

La viga d'equilibriu o barra d'equilibriu ye unu de los cuatro aparatos o modalidaes que componen la ximnasia artística femenina. Comúnmente conozse na so forma embrivida como «viga» o «barra». L'aparatu ye una viga pequena y estrecha soportada por dos bases metáliques y ye un exerciciu namái realizáu poles ximnastes.

Les vigues utilizaes en competiciones ximnástiques internacionales tienen de cumplir con ciertes normes y especificaciones establecíes pola Federación Internacional de Ximnasia (FIG). Al practicar los exercicios, les ximnastes usualmente trabayen nuna barra coles mesmes dimensiones y superficie pero a un altor menor. Originalmente, la viga taba compuesta de madera.[1] Sicasí, dende la década de 1980, les barres tán recubiertes de cueru o ante. Amás, cunten con resortes pa amortiguar l'impactu causáu polos saltos y los movimientos artísticos.[2]

Según la publicación «Apparatus Norms» de la FIG, les dimensiones de la viga son: un altor de 125 centímetros, un llargor de 500 centímetros y un anchor de 10 centímetros.[3] Per otra parte, un exerciciu na barra d'equilibriu tien de contener: un enllaz de dos elementos de danza distintes (unu ten de ser un saltu con split de 180°), un xiru completu nun pie, una serie acrobática, elementos acrobáticos en distintes direcciones y una salida.[4]


Ver tamién

Referencies

Enllaces esternos