Antonio Muñoz Molina

Antonio Muñoz Molina (10 de xineru de 1956, Úbeda) ye un escritor español, conocíu principalmente poles sos noveles, que figuren ente los llibros más vendíos de la lliteratura castellana conteporánea. Algamó, ente otros premios, el Planeta, el Nacional de Narrativa y el de la Crítica.

Elementos biográficos

Antonio Muñoz Molina nación n'Úbeda (Jaén), el 10 de xineru de 1956. Fizo estudios de periodismu en Madrid, y llicenciose n'Historia del Arte na Universidá de Granada.

Nos años ochenta entamó a escribir artículos en Diario de Granada y Ideal, que s'axuntaron en dos recopliaciones, El Robinsón urbano y Diario del Nautilus, publicaes respectivamente en 1984 y 1985. Posteriormente tamién collaboró nel diariu El país.

En 1986 publicó la so primer novela, «Beatus Ille». Esta obra ta ambientada na ciudá ficticia de Mágina, inspirada de la so Úbeda natal y qu'apaez n'obres posteriores.

En 1987 algamó'l premiu de la Crítica y el premiu nacional de narrativa con «El invierno en Lisboa». En 1991 foi'l ganador del premiu Planeta con El jinete polaco, obra que tamién recibió'l premiu nacional de narrativa en 1992.

Delles obres suyes, como «Beltenebros» o «Plenilunio» fueron adaptaes al cine.

En 1995 foi elixíu miembru de la Real Academia Española.

Ente los años 2004 y 2006 dirixó l'Instituto Cervantes de Nueva York.

Ta casáu cola escritora Elvira Lindo.

Obres

Narrativa

• 1986 Beatus Ille.
• 1987 El invierno en Lisboa.
• 1988 Las otras vidas. Relatos.
• 1989 Beltenebros.
• 1991 El jinete polaco.
• 1992 Los misterios de Madrid.
• 1993 Nada del otro mundo . Relatos.
• 1994 El dueño del secreto.
• 1995 Ardor guerrero.
• 1997 Plenilunio.
• 1998 La colina de los sacrificios.
• 1999 Carlota Fainberg.
• 2000 En ausencia de Blanca.
• 2001 Sefarad.
• 2005 La poseída.
• 2006 El viento de la Luna.

Ensayu

• 1991 Córdoba de los Omeyas.
• 1992 La verdad de la ficción.
• 1993 La realidad de la ficción.
• 1995 Las apariencias.
• 1996:
  • La huerta del Edén: escritos y diatribas sobre Andalucía.
  • Destierro y destiempo de Max Aub.
• 1997 Escrito en un instante.
• 1998 Pura alegría.

Otros

• 1984 El Robinson urbano. Artículos periodísticos.
• 1985 Diario del Nautilus. artículos periodísticos.
• 1999 La huella de unas palabras. Antoloxía dialogada realizada por José Manuel Fajardo.
• 2000 Unas gafas de Pla. Artículos periodísticos.
• 2002 La vida por delante. Artículos periodísticos.
• 2004 Ventanas de Manhattan. Diariu de viaxe.