Fernão de Magalhães

Fernão Magalhães

Fernão Magalhães (Oporto, Portugal, 1480 - Mactán, Filipines, 1521), foi un navegante portugués.

Viviera los sos primeros años de vida en Portugal, pero'l so afán d'aventures faen-y embarcase a Oriente, au les factoríes portugueses vivíen una época d'esplendor poles sos relaciones colos territorios de les anguaño conocíes como Malasia, Indonesia y Filipines.

El viaxe de circunvalación de Magalhães

En 1519, al serviciu de Carlos I d'España, entama un viaxe con cinco naves pa descubrir el pasu ente l'océanu Atlanticu y el Mar del Sur descubierto por Vasco Núñez de Balboa en 1513. Dempués d'algamar el Riu de la Plata (yá descubiertu por Juan Díaz de Solís en 1516), arriba a la fin al que dempués sedría l'estrechu de Magallanes en 1520. Tres de cruzalo, empobina pel Océanu Pacíficu, nomáu asina pol contraste del so cálter sele en comparanza col Mar del Sur.

Magalhães sigui'l viaxe fasta arribar a les islles de les Especies (Islles Moluques) que, pol tratáu de Tordesillas, pertenecíen a la Corona de Castiella, sicasí, continuaba col llabor de navegar peles rutes pente colonies españoles que xustificaben el patrociniu del rei d'España.

Ún de los buques de Magalhaes circunnavegó'l planeta 16 meses dempués de que morriera l'explorador.

_{Naves iniciales de la espedición de Magalhães, 1519}

Nave	Tonelaxe	Tripulación
Trinidad	110	55
San Antonio	120	60
Concepción	90	45
Victoria	85	42
Santiago	75	32
		Total: 234

Nel llargu camín de tres meses ente l'estrechu de Magallanes y les Islles Moluques nun descubrió nenguna tierra, polo que la fame y l'escorbutu esmolez enforma a la so tripulación, hasta'l puntu de que pagaben dineru abondo pa xintar una simple rata.

Nes Islles Moluques, Magalhães y los sos marinos van descubrir qu'habíen llegáu a l'Extremu Oriente, cumando asina'l trabayu empobináu por Cristobal Colón. Per embargu, Magalhães muerre nuna llucha con una tribu de la zona, polo que Juan Sebastián Elcano conviértese nel comandante de la espedición y torna pa España, au llega namás con una nave, la "Victoria", en 1522, colo que completa por primer vegada la circunnavegación de la Tierra.

Elcano, ensin medios, tornó per mares portugueses, camín perconocíu y con tierra au se aprovisionar.