Diferencies ente revisiones de «Van Heflin»

De Wikipedia
Contenido eliminado Contenido añadido
Llinia 100: Llinia 100:


[[Categoría:Militares de la Segunda Guerra Mundial d'Estaos Xuníos]]
[[Categoría:Militares de la Segunda Guerra Mundial d'Estaos Xuníos]]
[[Categoría:Actores de Oklahoma]]
[[Categoría:Actores d'Oklahoma]]
[[Categoría:Actores de teatru d'Estaos Xuníos]]
[[Categoría:Actores de teatru d'Estaos Xuníos]]
[[Categoría:Actores de cine d'Estaos Xuníos]]
[[Categoría:Actores de cine d'Estaos Xuníos]]

Revisión a fecha de 02:07 19 ago 2017

Semeya publicitaria de 1964.

Emmett Evan Heflin Jr. (Walters, Oklahoma, 13 d'avientu de 1910 - Hollywood, 23 de xunetu de 1971) foi un actor de cine y teatru estaunidense.

Trayectoria

Estudió interpretación na Universidá de Yale, y derechu na Universidá de Oklahoma. Apasionáu del mar, participó en delles espediciones oceanográfiques na so mocedá. A finales de la década de 1920 empezó a trabayar en Broadway en pequeños papeles, hasta qu'a mediaos de la década de 1930, la nueva actriz Katharine Hepburn vio-y actuar y quedó tan sosprendida del so trabayu, que-y propunxo trabayar nel cine. Robló entós un contratu cola RKO. Debutó en 1936, na película Una muyer rebalba (1936) de Mark Sandrich. Mientres, en teatru protagonizó obres tan importantes como Hestories de Filadelfia.

Nel cine l'ésitu acompañólu, y en 1942 ganó'l Premiu Oscar al meyor actor secundariu pol so papel en Sienda prohibida de Mervyn LeRoy. Les décades de 1940 y 1950 fueron les más importantes na so carrera cinematográfica, protagonizando títulos tan importantes como L'estrañu amor de Marta Ivers, de Lewis Milestone, onde compartió protagonismu con Barbara Stanwyck y onde Kirk Douglas fixo una de les sos primeres interpretaciones destacaes.

Tamién trabayó con King Vidor en Cenices d'amor y con Vincente Minnelli en Madame Bovary, adaptación de la novela homónima de Gustave Flaubert. Tamién destacó la so interpretación del murniu Athos na adaptación de la novela de Alejandro Dumas, Los trés mosqueteros, dirixida por George Sidney. Na década de 1950, siguió cola so bona estrella, destacando la so interpretación n'importantes westerns como Raigaños fondos, de George Stevens, El tren de les 3:10, de Delmer Davis, y El salariu de la violencia, de Phil Karlson.

Mientres tola so vida Heflin nunca dexó de trabayar nel teatru, onde siguió collechando importantes ésitos, como tampoco dexó d'amar el mar que tanto -y apasionó na so mocedá.

Finó d'un ataque al corazón, a los 60 años d'edá, mientres nadaba na piscina de la so residencia.

Tien dos estrelles nel Paséu de la Fama de Hollywood.

Filmografía parcial

Teatru

  • A Case of Libel, 1964
  • A View From the Bridge, 1956
  • The Philadelphia Story, 1940
  • Casey Jones, 1938
  • Western Waters, 1938
  • End of Summer, 1936
  • Mid-West, 1936
  • The Night Remembers, 1934
  • The Bride of Torozko, 1934

Enllaces esternos