Telefonía móvil 2G

Conozse como telefonía móvil 2G a la segunda xeneración de telefonía móvil.

La telefonía móvil 2G nun ye un estándar o un protocolu sinón que ye una forma de marcar el cambéu de protocolos de telefonía móvil analóxica a dixital.

La llegada de la segunda xeneración de telefonía móvil foi alredor de 1990 y el so desenvolvimientu deriva de la necesidá de poder tener un mayor manexu de llamaes en prácticamente los mesmos espectros de radiofrecuencia asignaos a la telefonía móvil, pa esto introducieron protocolos de telefonía dixital qu'amás de dexar más enllaces simultáneos nun mesmu anchu de banda, dexaben integrar otros servicios, qu'enantes yeren independientes, na mesma señal, como ye'l casu de la unviada de mensaxes de testu o páxina nun serviciu denomináu Short Message Service (SMS) y una mayor capacidá d'unviada de datos dende dispositivos de fax y módem.

2G toma dellos protocolos distintos desenvueltos por delles compañíes ya incompatibles ente si, lo que llindaba la área d'usu de los teléfonos móviles a les rexones con compañíes que-yos dieren soporte.

Protocolos de telefonía 2G

• GSM (Global System for Mobile Communications)
• Cellular PCS/IS-136, conocíu como TDMA (conocíu tamién como TIA/EIA136 o ANSI-136) Sistema reguláu pola Telecommunications Industry Association o TIA
• IS-95/cdmaONE, conocíu como CDMA (Code Division Multiple Access)
• D-AMPS Dixital Advanced Mobile Phone System
• PHS (Personal Handyphon System) Sistema usáu nun principiu en Xapón pola compañía NTT DoCoMo cola cuenta de tener un estándar enfocáu más a la tresferencia de datos que'l restu de los estándares 2G

Telefonía 2.5G / 2.75G

Como tal nun esiste nengún estándar nin tecnoloxía a la que pueda llamase 2.5G o 2.75G, pero suelen ser denominaos asina a dellos teléfonos móviles 2G qu'incorporen dalgunes de les meyores y tecnoloxíes del estándar 3G como ye'l casu de GPRS y EDGE en redes 2G y con tases de tresferencia de datos cimeros a los teléfonos 2G regulares pero inferiores a 3G.

Vease tamién

• Telefonía móvil 1G.
• Telefonía móvil 3G.
• Telefonía móvil 4G.
• Telefonía móvil 5G.
• WWAN.

Enllaces esternos

• Páxina web del protocolu GSM (n'inglés)
• Páxina web del grupu de desarrolllo del protocolu CDMA (n'inglés)
• páxina web del protocolu PHS (n'inglés)
• Páxina web TIA