Nikolas Lloyd

Nikolas Lloyd
Vida
Nacionalidá	Reinu Xuníu
Estudios
Llingües falaes	inglés
Oficiu	youtuber

Nikolas Lloyd (¿?) ye un youtuber británicu que fai vlogs na so canal de Youtube "Lindybeige", nos que fala principalmente del arte de la guerra. Amás ta trabayando nuna novela gráfica nomada "In Search of Hannibal" (A la gueta d'Hannibal) y ye tamién ún de los autores de "The Adventures of Stoke Mandeville, Astronaut and Gentleman" (Les aventures de Stoke Mandeville, Cosmonauta y Caballeru). Na so mocedá a Lloyd prestaba-y facer pequeños curtios filmográficos. "Prax Warrior" inclusive ganó un premiu na "Young Film-makers' Competition", convocada pola BBC, nel añu 1982, cuando tenía 14 años. El curtiu fízose usando la téunica nomada "stop-motion" y emitióse nos programes de televisión pa neños "Screen Shot" y "Multicolored Swap Shop".

Asinamesmo, Lloyd foi un caderalgu invitáu de sicoloxía evolucionista na Universidá de Newcastle. Nos servidores de la Universidá caltenía una páxina web na qu'asoleyaba testos ensayísiticos d'estremaos temes. Ún d'ellos, tituláu "Why vegetarians should be force fed with lard" (Por qué los veganos deberín ser alimentaos forciosamente con mantega de gochu), circulare nun sitiu de cites pa veganos y foi mui polémicu; polo que, tres que la Universidá recibiere numberoses quexes, la cunta de Lloyd foi bloquiada en xineru de 2006 y escomencipióse una investigación pa esclariar si hebo una violación de les normes. Nun s'atopó tal violación y, poro, la cunta de Lloyd foi reactivada y l'artículu quedó na páxina. Sicasí dellos meses más tarde tornaron a retira-y la cunta y tolos sos testos foron desaniciaos.

Enllaces esternos

• Lloydian Aspects (n'inglés)

• Datos: Q65465313