Acisclo Muñiz Vigo
Acisclo Muñiz Vigo | |
---|---|
Vida | |
Nacimientu | Uviéu, 17 de payares de 1866 |
Nacionalidá | España |
Muerte | Uviéu, 11 de febreru de 1941 (74 años) |
Estudios | |
Estudios | Universidá de Salamanca |
Llingües falaes | castellanu |
Oficiu | profesor, xeógrafu |
Premios | |
Miembru de | Real Sociedá Xeográfica |
Acisclo Muñiz Vigo (17 de payares de 1866, Uviéu – 11 de febreru de 1941, Uviéu) foi un profesor de xeografía y cervantista español.[1] Nació'l 17 de payares de 1866 y estudió Filosofía y Lletres na Universidá de Salamanca en 1891. Doctoróse en Madrid y consiguió, por concursu de méritos, una plaza nun colexu de Reinosa, anque más tarde pasaríase al Institutu Santander. A partir de 1893 desempeña'l so llabor de docente nel Colexu de la Encarnación de Llanes. Nel 1900 treslladóse al Institutu d'Uviéu, onde permaneció cuarenta años, inclusive dempués de la so xubilación en 1936. Morrió n'Uviéu, el 11 de febreru de 1941. Perteneció a la Sociedá Xeográfica Nacional y foi designáu Caballeru de la Orde Civil d'Alfonso XII. Collaboró asiduamente cola prensa asturiana.
El 30 d'avientu de 1977, el Conceyu d'Uviéu decidió recorda-y dándo-y el so nome a una vía urbana, la Cai Acisclo Muñiz Vigo.[2] Foi padre del músicu Ángel Muñiz Toca.
Obres[editar | editar la fonte]
- Xeografía especial d'Asturies
Referencies[editar | editar la fonte]
- Esti artículu contién información de la Enciclopedia d'Uviéu.
- ↑ Acisclo Muñiz Vigo en la Enciclopedia de Oviedo.. http://el.tesorodeoviedo.es/index.php?title=Acisclo_Mu%C3%B1%C3%ADz_Vigo. Consultáu'l 24 de setiembre de 2017.
- ↑ La Calle Acisclo Muñiz Vigo en la Enciclopedia de Oviedo. http://el.tesorodeoviedo.es/index.php?title=Calle_Acisclo_Mu%C3%B1%C3%ADz_Vigo. Consultáu'l 24 de setiembre de 2017.