Olusegun Obasanjo

De Wikipedia
Olusegun Obasanjo
Presidente de la Xunión Africana

6 xunetu 2004 - 24 xineru 2006
Joaquim Alberto Chissano - Denis Sassou-Nguesso
Presidente de Nixeria

29 mayu 1999 - 29 mayu 2007
Abdulsalami Abubakar - Umaru Yar'Adua
5. Presidente de Nixeria

13 febreru 1976 - 30 setiembre 1979
Murtala Mohammed - Shehu Shagari
3. Vicepresidente de Nixeria

29 xunetu 1975 - 13 febreru 1976
Joseph Edet Akinwale Wey - Shehu Musa Yar'Adua
Vida
Nacimientu Abeokuta5 de marzu de 1937[1] (87 años)
Nacionalidá Bandera de Nixeria Nixeria
Residencia Dodan Barracks (en) Traducir
Llingua materna Idioma yoruba
Familia
Casáu con Stella Obasanjo
Fíos/es Iyabo Obasanjo-Bello
Estudios
Estudios Colegio Baptist Boys (es) Traducir
Defence Services Staff College (en) Traducir
Royal College of Defence Studies
Mons Officer Cadet School (en) Traducir
Llingües falaes Idioma yoruba
inglés[2]
Pidgin nigeriano (es) Traducir
idioma ḥausa
Oficiu políticu, militarinxenieru
Premios
Serviciu militar
Cuerpu militar Ejército de Nigeria (es) Traducir
Graduación xeneral
Lluchó en Guerra civil de Nixeria
Operation Tail-Wind (en) Traducir
Crisis del Congo (es) Traducir
Creencies
Relixón Protestantismu
Ilesies bautistes
Partíu políticu Partido Democrático Popular (es) Traducir (de 1999 a febreru 2015)
Cambiar los datos en Wikidata

Oluṣẹgun Mathew Okikiọla Arẹmu Ọbasanjọ (5 de marzu de 1937Abeokuta) ye un políticu y militar nixerianu, presidente del so país en dos ocasiones. Cristianu renacíu d'etnia yoruba, Obasanjo foi soldáu profesional antes de dedicase a la política.

Foi Xefe d'Estáu en dos causes, la primera como Presidente del Gobiernu Militar ente'l 13 de febreru de 1976 y el 1 d'ochobre de 1979, y la segunda, como Presidente Constitucional de Nixeria, escoyíu democráticamente pa los periodos (1999-2003 y 2003-2007).

N'agostu de 2021, la Xunión Africana nombrólu Altu Representante pa la Paz nel Cuernu d'África.

Primer etapa de gobiernu[editar | editar la fonte]

Obasanjo nació en Abeokuta, nel Estáu nixerianu d'Ogun, y se enroló nel exércitu a la edá de dieciocho años. Recibió la so formación militar n'Aldershot, d'onde se graduó como oficial del Exércitu nixerianu. Magar nun participó de manera direuta nel golpe d'Estáu del 29 de xunetu de 1975, dirixíu por Murtala Ramat Mohammed, foi nomáu Vicepresidente del Gobiernu encabezáu por ésti.

Tres l'asesinatu del Xeneral Murtala Ramat Mohammed nun intentu de golpe d'Estáu'l 13 de febreru de 1976, Obasanjo sustituyólu como Xefe d'Estáu. Caltuvo'l cargu hasta'l 1 d'ochobre de 1979, cuando dexó'l poder a Shehu Shagari, Presidente civil escoyíu democráticamente, lo cual fixo de Obasanjo el primer Xefe d'Estáu na hestoria de Nixeria qu'abandonó'l poder por voluntá propia. A finales de 1983, sicasí, l'exércitu tomó'l poder de nuevu. Obasanjo, yá retiráu, nun participó nel golpe d'estáu, y paez ser que lo criticó.

Mientres el gobiernu militar de Sani Abacha ente 1993 y 1998, Obasanjo criticó les violaciones de derechos humanos del réxime, y foi encarceláu. Nun sería lliberáu hasta la muerte repentina de Abacha el 8 de xunu de 1998. Precisamente tres la so salida de la cárcel, Obasanjo declaró convertise en cristianu renacíu. Según dellos analistes, ésti sería'l factor crucial qu'asitió la so popularidá nos Estaos sureños de Nixeria, nos que'l cristianismu ye la relixón mayoritaria.

Nes eleiciones de 1999, les primeres democrátiques en dieciséis años, decidió presentase a la presidencia como candidatu del Partíu Democráticu Popular. Obasanjo foi vencedor con un 62,6 per cientu de los votos, con una apolmonante mayoría nel sureste cristianu y nel norte musulmán, pero perdiendo de manera significativa na so rexón natal del suroeste frente al tamién Yoruba y cristianu Olu Falae, l'otru candidatu. Los probes resultaos na so rexón d'orixe interpretáronse como un castigu pola so etapa previa nel gobiernu, cuando dexó'l poder a un gobiernu civil nel que predominaben los nixerianos del norte, lo cual causaría rensía contra la so figura ente la población yoruba.

Segunda etapa de gobiernu[editar | editar la fonte]

Olusegun Obasanjo con Donald Rumsfeld, secretariu d'estáu de los Estaos Xuníos.

Obasanjo foi reelixíu en 2003 nunes apostaes eleiciones con connotaciones étniques y relixoses, nes que'l so principal oponente foi Muhammadu Buhari, musulmán del norte que formara parte tamién de gobiernos militares nel pasáu. Obasanjo llogró'l 61,8 per cientu de los sufraxos, aventayando a Buhari por más d'once millones de votos. Buhari y otros candidatos derrotaos, ente ellos Chukwuemeka Odumegwu Ojukwu, líder del secesionismu biafreño de los años 1960, alzaron l'acusación de fraude eleutoral, anque'l observadores internacionales de la Mancomunidá Británica de Naciones nun vieron irregularidaes que pudieren poner en dulda la victoria de Obasanjo. La resultancia eleutoral, sicasí, acentuó la polarización xeográfica y relixosa de la política nixeriana. Obasanjo venció con comodidá nel sur cristianu del país, incluyida la zona yoruba que-y diera la llombu en 1999, pero llogró munchos menos votos nel norte. Dellos analista vieron nesta resultancia un enclín peligrosu pa la unidá y l'harmonía relixosa nun país con fondes divisiones étniques y relixoses, anque otros piensen que los resultaos fueron normales yá que, a diferencia de les eleiciones de 1999, l'otru candidatu principal yera musulmán del norte.

Les sos aiciones contra la corrupción y a favor de les reformes económiques diéron-y un considerable prestíu internacional como home d'estáu africanu. Obasanjo espresóse públicamente en favor de la condonación de la delda esterna de los países en víes de desenvolvimientu, del llibre comerciu y de les reformes económicu y democráticu. Como presidente de la Xunión Africana espresó'l refugu de la organización a tres golpes d'estáu nel continente. En mayu de 2007 foi asocedíu na xefatura del Estáu por Umaru Yar'Adua.

Anque Obasanjo tuvo diverses muyeres y numberosos fíos con munches d'elles, oficialmente taba casáu con una sola muyer, la primer dama de Nixeria Stella Obasanjo, finada en Marbella, España, el 23 d'ochobre de 2005. Esto ye lo habitual ente los políticos del África negra, que faen ostentación del númberu de pareyes y de fíos. Unu de los últimos exemplos destacaos ye Jacob Zuma, presidente de Sudáfrica dende mayu de 2009.

Referencies[editar | editar la fonte]

  1. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. Afirmao en: Universidá Rusa de l'Amistá de los Pueblos.
  4. URL de la referencia: http://www.moe.gov.cn/s78/A22/xwb_left/moe_829/tnull_44386.html. Data de consulta: 11 abril 2019. Llingua de la obra o nome: chinu. Editorial: Ministerio de Educación de la República Popular China.
  5. URL de la referencia: https://www.aasciences.africa/fellow/he-chief-obasanjo-olusegun.

Enllaces esternos[editar | editar la fonte]


Predecesor:
Abdulsalami Abubakar

Presidente de la República Federal de Nixeria

1999 - 2007
Socesor:
Umaru Yar'Adua
Predecesor:
Murtala Mohammed

Xefe d'Estáu de la República Federal de Nixeria
(Gobiernu Federal Militar)

1976 - 1979
Socesor:
Shehu Shagari
Predecesor:
Joaquim Alberto Chissano
Bandera de Mozambique

Presidente de la Unión Africana

2004 - 2006
Socesor:
Denis Sassou-Nguesso
Plantía:Xeodatos Republic of the Congo